De trompeurs, de maistres Gonins,
De rabilleurs de pucelages,
De faiseurs de faux mariages,
De nourrices auant le temps,
De plaisants, de rogers bon-temps,
De flannieres, de macquerelles,
De faiseurs de laict aux mammelles,
De faux-tesmoins, faux rapporteurs,
De fabulistes, de menteurs,
De semeurs de fausses sciences,
D’escarmoucheurs de consciences,
De corrupteurs de Magistrats
Bref mille & mille autres fratrats
Qui pullulent parmy les hommes,
En ce maudit siecle où nous sommes,
N’empoisonnient l’antiquité,
La Deesse de verité,
Sur son Cube estoit toutenuë :
Iustice marchoit tetenuë,
Sans colere, faueurs, ny choix,
Au gouuernement de ses Loix,
L’horrible Vipere d’enuie
De l’Enfer n’estoit point sortie,
La Noblesse aymoit la vertu,
Le Noble en estoit reuestu,
C’estoit son Clinquant : son Pannache,
Son pend oreille, sa moustache,
L’Eglise en sa splendeur estoit,

Page précédent(e)

Page suivant(e)