[retour à un affichage normal]

Accueil > recherche > Affichage d'une occurrence en contexte

Mazarinade n° C_2_15_1

Image de la page

Anonyme [1649], LE PREMIER BABILLARD DV TEMPS EN VERS BVRLESQVES. , françaisRéférence RIM : M0_556. Cote locale : C_2_15_1.



Mais n’est-ce pas chose nouuellel>
De dire que des Damoiselles
Ont mis l’espée à la main
Le iour de Sainct Sebastiain,
Et ont sauué la Bourgeoisie ?
Que de les voir estois rauie.
Pendant Messieurs du Parlement
Font vnion veritablement
Auec que Messieurs de Paris,
Dont Mazarin est bien mary,
Qui de colere & de rage
Fait faire vn tres-piteux carnage
Dedans le Bourg de Charanton,
Où mourût ce Grand Chastillon.
Pour moy, ie dis que c’est dommage
D’auoir perdu ce personnage,
Il auoit monstré sa valeur
A plusieurs personnes d’honneur.
Mais qui causa ce grand esclandre
C’est Condé, qui ne veut entendre
Ce iour ny rime ny raison,
Et qui dedans quelque maison
A fait mettre & feu & flame.
N’est-ce pas pour luy vn grand blasme,
De permettre que ses soldats
Comme des larrons & pillards