[retour à un affichage normal]

Accueil > recherche > Affichage d'une occurrence en contexte

Mazarinade n° B_1_6

Image de la page

Anonyme [1651], LE PREMIER COVP D’ESTAT DE LA MAIORITÉ DV ROY, DANS LE CHOIX DES MINISTRES POVR SON CONSEIL. , françaisRéférence RIM : M0_2846. Cote locale : B_1_6.


les despences & charges du Royaume, & neãtmoins
comme s’il n’y auoit point eu de fond
dans l’Espargne, l’Armée de Flandre qui pouuoit
faire quelque notable exploict de guerre, n’ayant
eu en teste que le reste d’vne Armée battuë, auec
quelques mauuaises trouppes, a esté dans l’impuissance
de faire aucune execution militaire, &
de former aucun Siege cette Campagne, parce
qu’elle n’a point eu d’equipage d’Artillerie, ny de
deniers pour les trauaux d’vn Siege ; ce mesme
manquement de fond à seruy pour ne faire passer<lb/> aucun secours d’hommes en Italie, non seulement
pour entreprendre mais pour faire ferme
contre les ennemis, ce qui est cause que les Estats
du Duc de Sauoye ont esté exposez à leur pillage :
Et dans la Catalogne par ceste necessité, nous
sommes reduits à demeurer sur vne foible deffensiue,
& de soustenir vn siege, au lieu de porter la
guerre dans la Valance, ou l’Arragon : c’est aussi
pour cela que les trouppes Allemandes ont quitté
le party de France pour prendre celuy d’Espagne :
Et nous estions à la veille de nous voir
abandonnez de nos alliez & de perdre toutes
nos creatures hors du Royaume, pour ne leur pas
fournir les sommes de deniers desquelles nous
sommes conuenus auec eux, c’est encore par cette
raison que les Officiers de la maison du Roy
n’ont point esté payé de leur gages, & que les tables
du Roy ont estez renuersees. Nous auons sujet