[retour à un affichage normal]

Mazarinade n° A_7_6

Image de la page

Anonyme [1649], LE PROCEZ CRIMINEL DV CARDINAL MAZARIN ENVOYÉ D’ESPAGNE. AVEC LA DENONCIATION de l’Empereur. , françaisRéférence RIM : M0_2885. Cote locale : A_7_6.

desquels la rage paroist par tout, aussi bien
que l’vsurpation ; ils se rendent opulens par le butin
qu’ils font de Royaume en Royayme, il ne faut que
faire inspection sur Mazarin, qui a despoüillé les
Champs Iberiens de tous leurs fruicts, aussi bien que
ceux de la France : C’est ce qui a obligé l’Espagne à
luy faire instruire son procez, & l’enuoyer en France,
afin qu’estant veu & ioinct, on puisse consequemment
tirer les conclusions, & l’admettre à telpeine,
que ces crimes & vexations l’exigent.
 
En premier chef, est produit la Denonciation de
l’Empereur, par laquelle il declare que Mazarin est
vn proditeur & vn homme sans foy, qui a violé les
protestations qu’il luy auoit si solemnellement faites,
& choqué diuerses fois son authorité Imperiale,
& attenté sur ses Suiets, & rauit leurs biens, pour
reparation dequoy il demande Iustice.
Pour le Roy d’Espagne, il produit & met en auant
plusieurs pieces iustificatiues tendantes à la
conuiction Mazarine, par l’exploict de ces fins. Il
l’accuse de perturbation, & d’estre le seul sedieux qui
a troublé son Estat, & ruiné sa Monarchie par les
troubles qu’il y a semé.
En suite dequoy, il monstre que Mazarin est naturel
Espagnol, comme ayant pris naissance sur son
territoire, & partant qu’il deuoit tous les hommages
respectueux, & les seruices deus à sa Couronne, par
le droict de vasselage ; neantmoins qu’en diuerses
rencontres & occasions il auoit contreuenu, & laschement
viole les Loix de sa Monarchie, & partant