[retour à un affichage normal]

Accueil > recherche > Affichage d'une occurrence en contexte

Mazarinade n° C_7_59

Image de la page

Anonyme [1649], LE RETORQVEMENT DV FOVDRE DE IVPINET, CONTRE LVY-MESME : par l’eternelle solidité du veritable Donjon du Droict Naturel Diuin : voire contre toutes les nouuelles furies des Demons meridionaux : & futures irruptions des bestes feroces, à cornes, & autres. "Si Deus pro nobis quis contra nos?" Ad Rom. Ch. 8. "Vir qui errauerit à via doctrinæ, in cœtu gigantium commorabitur". Prou. C. 21. v. 16. "Qui fodit foueam, incidet in eam: & qui dissipat sepem, mordebit eum Coluber." Eccl. 10. v. 8. , français, latinRéférence RIM : M0_3526. Cote locale : C_7_59.


n’est qu’vn iapemens de petits chiens : qui n’osent
approcher pour mordre : ains s’arreste à des niaiseries,
pour laisser le serieux, craignant d’en aborder ;
Les interests de Despautere, ny de Mercure, n’estans
la cause de nostre combat ; mais ceux de Dieu,
& de ses oints, peuples & Rois. Et quand il seroit
question d’y regarder de prés ; il se trouueroit qu’il
est encore plus sot par derriere, que par deuant.
C’est pourquoy, il l’y faut toucher comme vn asne.
 
Hour donc, Monsieur, car tu te trompe, me
prenant graces à Iesus, & à Marie, pour vn autre.
Puisque la marote te conuient si bien par le iuste
aquest que tu en as fait ; ce seroit iniustice de la
pretendre. Pour ce qui est du Sceptre ; tu en diras
ce que tu voudras : il est de telle puissance, qu’elle
s’estend sur tous les humains, & au delà, pour humilier
les rebelles à Dieu, & confondre lesdits ennemis
de ses veritez eternelles, comme toy.
Mais auant de marcher plus auant, deffaits toy
de ta mauuaise opinion : car, par la grace de Iesus &
Marie. Ie suis certain que celuy que tu presche, Rebelle
à Dieu, peste de l’Estat, & ennemy de la Maiesté
Royale ; est meilleur Chrestien : & plus fidele
à l’vn & à l’autre que toy. Et me réjouys du bonheur
qui nous suit tous deux ; ne manquant de matiere
pour exercer tes belles charges : car la Samothrace
n’ayant à se plaindre, me fait bien esperer de l’Asetriquar.
Vrayement il n’en falloit dauãtage, Monsieur
le Docteur, pour t’acquerir le bonnet, i’entends
d’Actéon, présumant auec temerité d’enuisager