[retour à un affichage normal]

Mazarinade n° C_9_81

Image de la page

Anonyme [1649], LE RETOVR ET ACHEMINEMENT DV ROY PRES DE PARIS. , françaisRéférence RIM : M0_3532. Cote locale : C_9_81.

il doit venir à sainct Germain puis à Ruel, & enfin à
Paris : c’est ainsi que par degrez nous aurons ce que
nous souhaittons, & pour cet effet nous deuons
perdre toute sorte d’animositez les vns contre les
autres, & reseruer toute nostre colere pour les Espagnols.
Sur tout ne nous seruons iamais de ces termes
odieux, qui nous font ressouuenir de nos diuisions,
& qui sont propres à les fomenter rentrons
dans ce profond respect que nous deuons au Roy, à
la Reyne, aux Princes, & generalement à tous nos
Superieurs, puisque la puissance leur a esté donnee
d’en haut : c’est ainsi que nous obligerons le Roy à
reuenir, lors qu’il sçaura que tout le monde sera bien
remis dans son deuoir, non pas pour sa personne,
contre laquelle on n’a iamais formé vne pensée criminelle :
mais pour toute la Cour. Tout ce qui approche
& qui enuironne le Roy nous doit estre en
quelque veneration à cause de luy, sans doute les
personnes qui ont cet aduantage que de luy rendre
leurs assiduitez, en reçoiuent quelque participation
de respect & d’authorité.
 
Le Roy venant à Ruel ne manquera iamais de
venir à Paris & quand il n’y viendroit pas, les Parisiens
auront presque la mesme satisfaction de le
sçauoir si pres de leur ville que s’il estoit dedans. Ce
ieune Soleil leur communiquera sa chaleur & sa lumiere
presque auec autant d’actiuité dans vne mediocre
declinaison que s’il estoit au poinct mesme
de son solstice. Mais il ne faut point douter qu’il