Mazarinade n° C_8_60
Image de la page
Anonyme [1649], LE RETOVR ET RESTABLISSEMENT DES ARTS ET MESTIERS. VERS BVRLESQVES. , françaisRéférence RIM : M0_3533. Cote locale : C_8_60.
Beuuoit vin de Candeperdris,
Et paroissoit mordre à la grappe,
Lors qu’il faisoit dancer priape.
Mais que pensions nous attraper,
En nous laissant ainsi dupper,
Gardant soigneusement nos portes,
Auec de nombreuses cohortes,
Et nous tenans dans nos remparts,
Enfermez comme des renards,
Pourquoy sous ombre d’en descoudre,
Mettre tout nostre argent en poudre,
N’ayant pas pour auoir du pain ;
Endurer le froid & la faim,
Et pour l’interest d’vne ligue,
Souffrir cette rude fatigue ;
Pendre tous les mestiers au croc,
Respirer le sang & le choc,
Et dans le tumulte & le trouble,
Despenser iusqu’au dernier double.
Ho que le bon Dieu soit loüé,
On nous a trop long-temps ioüé,
Nous reconnoissons bien l’intrigue,
De cette dangereuse ligue,
Qui nous alloit mettre aquia,
Il faut chanter Alleluya,
Pour cette paix inesperée,
Sans qui, nostre perte asseurée,
Et la ruine de nos maisons,
Nous aurions esté comme oysons,
Pris par le bec ou par les aisles,
Les armes ny bonnes ny belles,
Au lieu d’apporter du profit,
Rendent vn peuple desconfit,
Et la Paix la plus delabrée,
Fust-elle double ou bien fourée,
Vaut mieux que l’appareil pompeux,
D’vne guerre ou mesme de deux,
Ma foy c’est vne sotte enuie,
De manquer à gagner sa vie,
Pour attraper quelque guignon,
Dans la fripe ou sur le tignon,
Ie n’estime point la conqueste,
Acquise au despens de la teste,
Et c’est le vray plaisir d’vn fou,
De se faire casser le cou.
Puisque la guerre est hors de France,
Image de la page