[retour à un affichage normal]

Accueil > recherche > Affichage d'une occurrence en contexte

Mazarinade n° B_19_23

Image de la page

Anonyme [1650 [?]], LE REVEILLE-MATIN DE LA FRONDE ROYALLE, SVR LA HONTEVSE PAIX de Bourdeaux. , françaisRéférence RIM : M0_3537. Cote locale : B_19_23.


aura les mains libres pour y exercer ses rapines & ses brigandages.
 
Vn tesmoignage euident du peu d’affection qu’il à pour
la France, se prend de ce qu’il n’y à iamais voulu faire nul
establissement, ny achepter vn pouce de bien, quoy
qu’il y ait voulu auoir des Benefices pour luy, & des meilleures
charge de la Couronne pour son nepueu, estant assez
apparent que ce n’estoit que pour mieux remplir ses
coffres, lesquels il n’a iamais crus assurés en France, pour-ce
que ce n’a iamais esté le lieu, qu’il à choisi pour son
domicille, mais bien pour celuy de sa Fortune, n’ayant
iamais fait samblant d’y chercher des alliances, qu’a dessein
d’y mieux authoriser ses mauuaises entreprises, ou
pour perdre par ce beau semblant ceux, à qui il d’estinoit
ses niepces, les attirant par la à l’execution de ses pernicieux
desseins comme il en vient de faire à Monsieur de
Cãdale, qui a esté sous ce beau pretexte depossedé de son
Gouuernement, & faisant semblant d’aymer Monsieur
d’Espernon, s’en est serui d’instrument pour exercer les
effaits de sa vengeance sur les Bourdelois, & pour s’estre
rendu trop complaisant à ses volontés il là perdu par des
semblables fourberies, que celles, dont il s’est seruy,
pour rendre odieux Monsieur le Prince aux Parisiens,
affin de mieux executer la trahison qu’il auoit proietée
contre luy, c’est ainsi qu’il traite ceux à qui il est le plus
obligé.
Ceux qui ne sçauent pas l’artifice, dont le Cardinal
Mazarin s’est serui, pour rompre la Paix que l’Archiduc
demandoit à son Altesse Royalle, ont tousiours creu que
la conclusion n’en à esté empeschée, que pour ce que les
Espagnols ne l’ont point souhaittée, quoyqu’ils fissent
samblant de la demander : Mais quand ils sçauront qu’il
n’y à point eu d’autre obstacle que celuy que Mazarin y a
fait naistre, pourront ils encore souffrir vne telle meschanceté ?