Mazarinade n° E_1_78
Image de la page
Anonyme [1649], LE ROMAN DES ESPRITS REVENVS A S. GERMAIN. Burlesque & serieux. Et le QV’AS-TV VEV DE LA COVR, Ou LES CONTRE-VERITEZ. Sur l’imprimé à PARIS. , françaisRéférence RIM : M0_3559. Cote locale : E_1_78.
Sire, ie ne prendray point icy d’autre histoire que la mienne,
& ne vous diray rien qui ne me soit arriué, depuis que ie
suis dans le ministere : i’ay esté tousiours tourmenté d’esprits
ils n’ont pas manqué vn seul iour de m’apparoistre, ny vne
seule nuict de troubler mon repos ; mais ils ne m’ont iamais
faict tant de peine, ny traitté si rigoureusement, que depuis
la nuict des Roys que ie tiray vostre Majesté de Paris, pour
venir à sainct Germain. Il semble depuis ce temps là qu’ils
soient deuenus enragez, ils ne taschent qu’à me nuire, & à
m’inquieter, & ie n’en treuue pas vn bon qui me flatte de
quelque douce harmonie, comme auparauant, pour m’endormir,
& me donner quelque relasche. Encor il semble que
l’Enfer a fait ouuerture de toutes ses portes, & qu’il a deschaisné
les plus meschants contre moy. Il en vient des trouppes
innombrables m’attaquer par leurs menaces, & m’espouuenter
par leurs cris funestes, & quelquesfois m’habillent
de toutes les couleurs imaginables, comme si i’estois leur
fou de feste. I’ay beau renforcer mes gardes, cela ne les empesche
point de venir, & ces mal-heureux esprits ne treuuent
point d’obstacles, qui les arrestent : ils sont tousiours apres
ma queüe, & i’ay peur qu’il n’y en ayt icy quelqu’vn qui m’escoute,
& qui n’aille reporter aux autres tout ce que ie dis à
present. La Reyne l’interrompit à ces mots, & s’escria toute
craintiue : ha mon Dieu ! Monsieur le Cardinal, que vous me
faictes de peur, ie mourrois s’il en venoit quelqu’vn à ma
chambre, quand ie suis toute seule, ie feray coucher cette nuit
toutes mes filles à ma chambre : encor ne me croiray-ie pas
trop bien gardée. Toutes les autres femmes de la trouppe s’écrierent
à son imitation, & protesterent de faire le semblable,
horsmis Madame la Princesse la mere qui leur dist : Ne
voyez vous pas bien que Monsieur le Cardinal se moque, &
que ce n’est que pour vous espouuenter qu’il dit cela sans rire,
qu’il sçait bien nostre foible, & qu’il asseure cela serieusement,
afin d’auoir nostre creance. Madame, reprit le Cardinal,
il n’y a rien de plus veritable que ce que ie vous dis sur cela.
Mr le Prince, le voyant persuadé, se mit à gausser, luy & la
cõpagnie, & dire que c’estoit de beaux contes, dõt on l’auoit
Image de la page