[retour à un affichage normal]

Mazarinade n° C_9_87

Image de la page

Anonyme [1649], LE ROY TRIOMPHANT AV MILIEV DV Peuple, OV LES VOEVX DES Parisiens accomplis. , françaisRéférence RIM : M0_3557. Cote locale : C_9_87.

gloire est telle qu’il n’y a point de Royaume qui ose
debatre auec toy, & qui ne te cedes tout l’honneur
qu’on peut pretendre en la possession d’vn Monarque
de qui les vertus naissantes effacent l’esclat des vertus
confirmees, & qui vont du pair auec celles des Heros.
Il est tres-certain, dis ie, ô peuple de Paris, que les vertus
Royalles de ton ieune Prince seront de ces vertus
celebres que l’antiquité a admirees dans les Cesars,
dans les Scipions, dans ses Augustes, & dans les Alexandres.
Il est tres certain que ses regards sont des Astres
de bonne influence, & que la Minerue qui veille sur
ses actions est de ces Princesses illustres qui sont au rang
des diuinitez à qui l’on peut sacrifier sans idolatrie. Les
Historiens ne diront pas de sa Regence ce que du Haillan
a escrit d’Isabeau de Bauiere. Ce fut vne pernicieuse
Regence (dit-il) car cette femme gasta tout, & elle
n’est pas la seule femme qui a fait le semblable en ce
Royaume auquel le commandement des femmes a
tousiours esté funeste Non non, peuple de Paris, tu n’as
plus rien à craindre, & tu dois effacer de ta memoire ce
moment lugubre, & te souuenir qu’il y a des taches
dans les Astres, quoy que les Astres soient comme des
intelligences dont Dieu se sert pour fournir les choses
necessaires à tes besoins, & quoy qu’ils enuoyent la force
secrete de leur influence dans les entrailles de la terre
pour y former l’or qu’on idolatre. Souuiens-toy
combien le calme est agreable apres les tempestes, &
qu’il y a plaisir à voir le nid des Alcions voguer sur les