[retour à un affichage normal]

Accueil > recherche > Affichage d'une occurrence en contexte

Mazarinade n° C_9_87

Image de la page

Anonyme [1649], LE ROY TRIOMPHANT AV MILIEV DV Peuple, OV LES VOEVX DES Parisiens accomplis. , françaisRéférence RIM : M0_3557. Cote locale : C_9_87.


& tu sçais ce que celle des Guolphes & des Guibelins
ont causé dans l’Italie. Souuent il est arriué
qu’vne querelle entre des particuliers est deuenüe
vne guerre publique, & d’vne estincelle il s’est fait
vn embrazement general. Quoy qu’il ne se faille
proposer que les Sages pour exemple, ie puis pourtant
en cette rencontre te proposer vn fou dõt parle
l’incomparable Barclai en son tableau des Esprits
qui mit en mille pieces vne riche robe de chambre
pour aprendre à son Maistre qu’il n’en faisoit pas
moins par la diuision qui estoit entre luy & vn de ses
proches. Il en arriue souuent aux peuples qui sont en
discorde ce qui arriue a ceux qui disputent estans en
vn vaisseau auec tant de chaleur qu’ils en abandonnent
la conduite au gré de la fortune, & à la violence
des flots. Souuiens toy donc, peuple de Paris,
que la France ne peut perir pourueu qu’elle soit
vnie par la concorde & par la fidelité qu’elle doit à
son Monarque. Ie ne voy plus que les marques de
bon presage pour toy, ô chere ville où i’ay pris ma
naissance, ô chere ville que i’ayme à l’egal de moy
mesme, seiour des beaux esprits, & où nous auons
veu naistre toutes ces belles ames qui composent les<lb/> Licées & les Academies, où nous auons veu naistre
toute cette troupe illustre de bons esprits qui caressent
les Muses & qui en sont caressez La supression
des libelles diffamatoires qui ont excité tant de
bruit est vne asseurance du repos dont tu dois iouïr,