[retour à un affichage normal]

Accueil > recherche > Affichage d'une occurrence en contexte

Mazarinade n° A_7_20

Image de la page

Anonyme [1649], LE SECRET DECOVVERT, DV TEMPS PRESENT, OV L’INTRIGVE MANIFESTÉE. , françaisRéférence RIM : M0_3629. Cote locale : A_7_20.


vn Ocean, qui se iette en vn temps tout d’vn costé,
& puis se pousse tout vers l’autre.
 
Pour moy qui ay vn amour sincere pour ma Patrie,
quand ie me deurois rendre odieux à tout le monde, il
faut que ie vous declare franchement que tous les Sages
croyent icy que la seconde procedure de nostre Conseil,
de quelque couleur, de puissance & auantage qu’on la
couure, ne peut estre que preiudiciable & ignominieuse à
la France.
En Effet, quel auantage pouuons nous tirer des Barberins,
apres la mort du feu Pape, veu que nous en auons si
peu tiré durãt sa vie ? Leur credit n’a-il pas finy auec luy ? &
ses creatures qui ont regné si long-temps, ne se voyent-elles
pas abãdõnées tous les iours de leurs creatures ? Si nous
songeons aux interests de la guerre, ayant dans la force
de leur pouuoir monstré tant de foiblesse contre le Duc
de Parme, que peuuent-ils faire à cette heure qu’ils n’ont
qu’vne puissance qui s’esnerue.
Vous me direz qu’ils promettent d’entretenir quelque
Regiment à la France ; que ceux qui sont bien fournis
d’argent sont tousiours les bien venus dans vn Estat que la
guerre espuise, & qu’ayant des nepueux & des niepces, ils
peuuent obliger la France, en recompensant les seruices
de Monsieur le Cardinal Mazarin par vne riche alliance.
Mais à cela ie respondray, que sous pretexte d’obtenir la
leuée d’vn peu de troupes en France, nous ne deuons pas
attirer sur nos bras les armes de tous les Princes d’Italie
qui auront suiect de se declarer contre nous, s’ils nous
voyent proteger ceux qui les ont persecutez auec autant
de violence que d’iniustice ; & que voyant les armes à la
main aux Barberins, leurs communs ennemis les prendront
pour se deffendre, & empescheront par la nos progrez
dans le Milanez.
Pour ce qui touche l’argent, il est vray que c’est le nerf
de la guerre : mais si des particuliers n’en doiuent pas acquerir
par des voyes honteuses. Faut-il qu’vn Estat si
puissant, comme est la France, mette en oubly les offences