[retour à un affichage normal]

Mazarinade n° B_12_63

Image de la page

Anonyme [1652], LE SESANVS ROMAIN AV ROY, OV L’ABBREGÉ DES CRIMES DV PROSCRIPT MAZARIN. , françaisRéférence RIM : M0_3667. Cote locale : B_12_63.

soustenir à la poincte de leur espée, attendant que
vostre Maiesté leur en aye faict iustice.
 
Le Parlement s’en est scandalise, & s’estant veut
mal traicté pour avoir bien seruy, soustient les
droicts de vostre Couronne, la liberté & seureté de
vostre personne vous a declaré, qu’il ne pouvoit
plus supporter le faiz de si dures & pesantes charges,
& les deputez de cet ordre vous ont assez tesmoigné
& adverty qu’ils ne pouvoient retourner chez eux en
asseurance de leurs personnes, si vostre Maiesté ne
les contentoit de ce qui leur a esté promis, & dont
lettres ont esté escrites & envoyées aux Provinces.
Mais tout céla n’a seruy d’aucune chose sur l’inhumanité
de Sesanus contre ses mauvais desseins, vostre
Parlement en fin a pris partie du malheur de la France,
& continuant à l’endroict de vostre Maiesté la fidelité
& devotion dont il a esté de tout temps admiré
avoit ouvert la porte aux remedes, & par son arrest,
qui porte semonce aux Princes & grands du Royaume
de se rendre au Palais, esperant de servir vostre
Maiesté si puissamment, si vtilement, & avec tant
de gloire que vostre regne en eust esté beny de
Dieu & des hommes, & estoit ceste action si glorieuse
& si grande qu’il en eust esté memoire, à iamais.
A cela vos mauuais Conseillers, les mauvais François
opposent que c’est entreprẽdre sur vostre auctorité
que le Parlement ne doit connoistre des affaires
d’estat, comme si c’estoit chose nouvelle, & dont on