[retour à un affichage normal]

Mazarinade n° D_2_23

Image de la page

Anonyme [1650], DIALOGVE D’VN BATELIER, D’VN VIGNERON, ET D’VN SAVETIER. Sur les Affaires du Temps present. , françaisRéférence RIM : Mx. Cote locale : D_2_23.

pense qui ne viandrint pas au dessus comme le bon S. Clement
mon Patron qui flotet su leau comme vn mou de vache auecque sa
meulle de moulin, car ie pense qui ne sont pas si bons que ly.
 
Foizian. N’est-ce pas sty la qui diset en tan que le bon Dieu atet
trop vieux & qui len vlet faize in tout neu, & a qui les Bourgeas
d’Ingré vlent enuoigé des Daputez pour qui n’en fit point d’autre
ou bian que ce fust Monsieur S. Ambrase leu Patron : N’est-ce
pas itou ly qui fit faize cent mil quartrons de liuoué a deux copant
pour agorger ceux qui ne voudrint pas allé en bregne pour li.
Santin. C’est ly mesme.
Foizian. C’est vne meschante cheneille & in meschant varmenié y
faudret emoucher la teste, à ly & à ses compagnons comme aux
charniés, y ne nou frint pus de traboüillement : Ie me souuiant
bian que deffunt mon grand paize Cantian & le bon hõme Lupian
disaint en tan qui n’ont iamais rian fait que du mau, & que c’est
son grãd paize qui fit dapecé S. Crouay & toutes les Aglises d’Orl.
Clement. Mais testedié que ne les halle ton au bout d’vn bouas, ou
bean que ne leu copeton la teste, on la cope bean aux nauiaux
qui vallent mieux qu’eux, car les nauiaux sont bons à boilly, &
eux ne sont bons ny à boilly ny a routy.
Santin. C’est que les Ministres du Roy ne le trouue pas à propos
à caure qui n’est pas en age.
Clement. Quay que veux dise ce Sauetier mardeux là, est-ce que
noute Rouay est vrlubié avec tes Ministres.
Santin. Pauures ignorans les Ministres d’Estat ne sont pas Huguenots,
on apelle comme cela ceux qui gouuernent le Roy & l’Estat.
Foizian. Y n’en peut chaloué c’est in Vilain nom, si & i’atas Rouay
ie ne voudras pas que mes maistres d’Acole ou ceux que ie boutras
in bregne vssint nom coume sla.
Santin. Mais ie ne peux souffrir compere clement vos iniures,
scachez que si Monsieur le Preuost fesoit son deuoir, il fau droit
qui fit vne belle & bonne deffense de nous apeller plus Sauetiers,
sur peine du fouet, ou au moins sur peinede dix mil liures d’amande
applicable moitié à luy & moitié au corps de l’estat, car nous
sommes dans nos vieux titres maistres carleurs en cuir, & non
point Sauatiers, c’est vn nom que nous ont donné certains coquins
d’honneur & maraux de reputation pour nous mespriser.
Mais qu’ils scachent que s’il y auoit douze parsonnes en maison
de Ville, comme moi, Maistre Galin, Maistre Frichot, Maistre
Tandié, Maistre Dieu & bin d’autres, la ville d’Orleans en iroit