[retour à un affichage normal]

Mazarinade n° C_10_13

Image de la page

Anonyme [1649 [?]], LE SILENCE AV BOVT DV DOIGT. , françaisRéférence RIM : M0_3674. Cote locale : C_10_13.

qu’elle en ait vne infinité, & que tous les Religieux
soient ses fauoris Mais soions discrets à n’en point parler,
Pais.
 
Le premier President a t’il plus de sincerité, ou moins
d’artifice ? est-il moins fourbe, ou moins bigot ? Non :
mais il est plus traitre, plus perfide, plus feint, plus dissimulé,
& auec plus d’adresse : car il fait le sainct auec tous
les Religieux, le deuot, le zelé, le charirable, & pour tout
potage, ce n’est qu’vn vendeur de Mithtidat, on s’en
est bien apperceu dans les Conferences qu’il a eu auec
les Deputez de la part du Roy : car quelques-vns qui
estoient parens & amis intimes à ces Messieurs du Parlement,
de ceux qui affectionnoient le repos du peuple,
leur manderent à l’instant mesme que les affaires iroiẽt
mal, puis que ce diable s’en mesloit, & estoit estably le
Chef de la Deputation Mais silence, Pais.
Sçauez-vous bien que le Lieutenant Criminel n’a
point de Dieu : que le Lieutenant Ciuil a la conscience
plus large que la manche d’vn Cordelier : que l’argent,
les femmes les corrompent à toutes rencontres, Pais.
Mais reuenons à la Cour, sçauez-vous que tout y est
en desordre, que le Grand preuost de l’Hostel a commission
d’arrester quelques Seigneurs qui ont blasme les
deportemens de la Reyne auec Mazarin : qu’elle est resolue
de tout perdre pour le conseruer. Que Mademoiselle
ennuye d’estre tousiours fille : Que Monsieur de
Beau fort se laissera enfin gagner comme les autres.
N’en disons mot, pensons seulement à nos affaires, &
sçachons que le vray moyen d’auoir la paix, & de la
conseruer, est de dire tousiours, Pais, Pais,

FIN.