[retour à un affichage normal]

Accueil > recherche > Affichage d'une occurrence en contexte

Mazarinade n° C_2_15_6

Image de la page

Anonyme [1649], LE SIXIESME BABILLARD DV TEMPS. EN VERS. BVRLESQVES. , françaisRéférence RIM : M0_556. Cote locale : C_2_15_6.



Hanter auec honnestes gens
Pour reporter aux Courtisans
Ce que l’on peut faire à Paris.
L’autre iour aupres S. Mery
On en prit vn chose asseurée,
Ayant la langue bien enfilée,
Mieux & par dict, & par faict
Que ne l’auroit vn perroquet
Qui portoit quantité de lettres :
Mais on espousta bien ce traistre
Qui declara que Mazarin
Auoit vn tres-mauuais dessein,
Tel qu’il vouloit brusler la ville,
Comme vn peruers & malhabille,
Et massacrer perfidement
Nostre genereux Parlement,
Et que pour cela des billets
Pour le certain en auoit faits,
Pour dans la ville les semer,
Croyant bien faire souleuer
Le petit peuple & la Commune,
Leur promettant bonne fortune
S’il se iestoit de leur party :
Mais aucun n’y a consenty :
Car vn chacun est bien sçauant
Que ces malheureux Partisans
Ne cherchent rien que nostre perte,
Et qu’autre chose il ne conserte
Qu’à nous ruiner du tout,
Et nous ioüer vn mauuais coup :
Mais malgré leur maudite audace
Nostre Dieu nous fera la grace
De remerciers nos ennemis,
Puis que nous voyons nos amis,