[retour à un affichage normal]

Mazarinade n° C_11_15

Image de la page

Anonyme [1651], LES PROPOSITIONS QVE LE CARDINAL MAZARIN FAIT A LA FRANCE, Pour obtenir son restablissement dans le Ministere d’Estat. , françaisRéférence RIM : M0_2922. Cote locale : C_11_15.

porter le titre de Lieutenant general de l’Estat,
pendant que i’en faisons toutes les fonctions, &
que ie iouissois de tous les aduantages qui en
pouuoient reueuir.
 
Quels sont les crimes que la Maison de Condé
m’impute ? N’est-ce pas d’auoir trahy la France,
pour perdre vne partie de ses conquestes ? & d’auoir
exposé Monsieur le Prince dans les hazards
de la guerre en Catalogne sans le secourir, de
m’estre opposé en toute sorte d’occasions, à l’agrandissement
de sa maison ? d’auoir empesché
que la Coadiutorerie de Liege ne tombast pas entre
les mains du Prince de Conty ? d’auoir mis des
obstacles à la negociation que le Prince vouloit
faire auec le Duc de Mantouë, touchant Charleville
& le Mont-Olimpe qui la commande ? d’auoir
fait deux crimes d’Estat des iustes demandes
qu’il faisoit de l’Admirauté, apres la mort de son
beau-frere, & de l’espée de Connestable ? d’auoir
voulu faire desdire le Roy du don qu’il luy auoit
fait de la Principauté de Clermont, en faisant interuenir
Madame la Duchesse de Lorraine ; de
m’estre opposé à la Coadiutorerie de Mets pour
son frere ? d’auoir fait commettre vn assassinat
dans son carrosse, pour en charger la Fronde, &
la diuiser d’auec luy, afin de se perdre mutuellement ?
de l’auoir voulu faire passer pour vn esprit
ambitieux de la souueraineté, parce qu’apres auoir
refusé d’entreprendre la conqueste de Naples