[retour à un affichage normal]

Accueil > recherche > Affichage d'une occurrence en contexte

Mazarinade n° C_11_17

Image de la page

Anonyme [1651], LES QVARANTE-CINQ FAICTS CRIMINELS DV C. MAZARIN, QVE LES PEVPLES instruits addressent à ceux qui ne le sont point. , françaisRéférence RIM : M0_2931. Cote locale : C_11_17.


Antiphrase, pour n’estre rien moins que franche & libre, au lieu
de serve & poltrone qu’elle semble estre à ce coup, qu’vn vilain
faquin à le pouuoir de s’agrandir si fort qu’il agrandit tant de petites
gens, & tant de personnes, qui n’ont leur ame susceptible
que de sales lucres. Les principales charges du Royaume dont il
dispose à son gré, ne luy seruẽt que pour charmer & fasciner ceux
qui aboyent contre luy, comme les Poetes feignent que Hercule
iettoit des lopins de chair à Cerbere qui le poursuiuoit. Ce monstre
engourdit les mains de ces ames venales pour estre affranchy
de leurs coups. La varne lueur de ses presens esblouit leurs yeux
pour les empescher de voir les desolations ou il plonge la France.
Mais s’il leur reste encore quelque petit rayon de lumiere, ie
les coniure de l’arrester sur ces 45. crimes commis par ce plus
grand ennemy que la France ayt iamais eu. Il apprendront :
 
Premierement, qu’il surprit la Reine par la representation
qu’il luy fit de la necessité en laquelle la deffuncte Reine Mere
se trouua, & que l’ayant persuadee qu’il falloit vser d’œconomie
sur les despences des maisons de leurs Maiestez, il l’obligea
par cét artifice de commander à d’Emery Sur-Intendant des
Finances, de faire tout ce qu’il luy diroit, si bien que sans perdre
temps, faisant valoir cette souplesse, il ne surprint pas moins
d’Emery luy donnant à connoistre par ce commandement qu’il
auoit la disposition entiere sur luy, aussi bien que sur les Finances.
C’est ainsi qu’il ne s’est point espargné de faire valoir
cette œconnomie à son profit dans la disposition qu’il a eu des
Finances par cette adresse depuis l’année 43, à sçauoir sur quatre
vingt quatre millions, à quoy reuiennent à present les deniers
des Tailles & des Fermes chasque année, sur ceux du Domaine,
des Parties cazuelles, des Decimes, comme sur ceux qui prouiennent
d’vne infinité de partis qu’il a fait faire contre le Peuple,
puis qu’il ne se trouue personne payée de ce qui est deub par le
Roy, les Officiers de sa Iustice, des Finances de sa Maison
Royale, gens de guerre, non plus que les particuliers qui ont
ouuert leurs bourses pour se prest sur les Tailles & autres partis.
Au contraire, les vns & les autres se voyent fort esloignés de