[retour à un affichage normal]

Accueil > recherche > Affichage d'une occurrence en contexte

Mazarinade n° B_8_52

Image de la page

Anonyme [1652], LES RAISONS DE LA RETRAITTE, ET DV RETOVR DV DVC DE LORRAINE : PROBLESME. Sçauoir, s’il a manqué de parole, ou non. EN VERS BVRLESQVES. , françaisRéférence RIM : M0_2963. Cote locale : B_8_52.



A Iules d’auoir esté doubles
Pour ses Ducats & pour ses Doubles.
 
 
Il me semble que ces raisons
Ne font que le bruit des oysons,
Peu d’effet : mais vn grand murmure
Qui ne me peut faire conclure
Que le Duc Charles soit trompeur,
Mais vn politique pippeur ;
Car si sans luy faire vn insulte
Nous allons au Iurisconsulte :
Il nous dira que les Contracts
Se trouueront n’obliger pas
L’vn, lors que l’autre n’execute
Cette fin à laquelle il butte,
Et qu’ainsi de tenir sa foy
A celuy qui fist vne loy
De promettre & ne tenir guere,
C’est estre vn peu trop debonnaire,
Et que quand Charles le trompa,
En homme d’Estat il frappa,
Que si son delay fit nos plaintes,
Son retour a calmé nos craintes :
Il vaut bien mieux tard que iamais,
Ne m’obiectez donc plus de mais,
Que tout le monde se detrompe,
Ne logeons plus au Chat qui trompe,
A la Fripperie, au Renard,
Celuy qui pourra par hazard
Donner repos à nos Prouinces,
Parce qu’il attend de nos Princes
D’auoir la Lorraine & Nancy,
C’est pour ce but qu’il vient icy,
Pour ce but souffrons qu’il emporte
Les raisins qui sont à nos portes :
Car ils ne valurent iamais
Ce que vaut vne bonne paix.
 
FIN.