[retour à un affichage normal]

Mazarinade n° B_5_23

Image de la page

Anonyme [1652], LES VERITABLES MAXIMES DV GOVVERNEMENT DE LA FRANCE, IVSTIFIÉES PAR L’ORDRE des temps, depuis l’establissement de la Monarchie iusques à present : Seruant de Response au pretendu Arrest de cassation du Conseil du 18. Ianvier 1652. DEDIĖ A SON ALTESSE ROYALE , français, latinRéférence RIM : M0_3969. Cote locale : B_5_23.

& le Chef de l’Eglise, dont ils sont les principaux membres,
& le Siege Apostolique, pour lequel sa Majesté veut, à
l’exemple des Rois ses Predecesseurs, garder en toutes occurrences
vne deuotion & reuerence filiale.
 
Sa Majesté estant en son Conseil, a cassé & annullé, casse
& annulle ledit Arrest du 29. Decembre dernier. A fait & fait
tres-expresses inhibitions & defenses à toutes personnes de quelque
qualité & condition qu’elles soient de l’executer, ny d’entreprendre
ou attenter aucune chose contre la personne dudit
sieur Cardinal Mazarin, à peine de la vie ; Sa Majesté l’ayant
pris & le prenant en sa protection & sauue garde speciale. Fait
en outre sa Majesté tres-expresses defenses à ladite Cour, &
aux Commissaires par elle deputez pour la vente des biens dudit
sieur Cardinal, de proceder à ladite vente, mesme des Liures
de sa Biblioteque, & à toutes personnes de s’entendre adjudicataires,
directement ou indirectement, à peine de restitution
desdits Liures, & perte de ce qu’ils en auront payé, ensemble
dix mil liures d’amende allencontre tant desdits Commissaires
que des adjudicataires solidairement. Et sera le present Arrest
leu & publié par tout où besoin sera, à ce qu’aucun n’en pretende
cause d’ignorance. Fait au Conseil d’Estat du Roy, tenu
à Poictiers, sa Majesté y estant, le dix-huictiesme Ianuier mil
six cens cinquante deux.

Signé, DEGVENEGAVD.