[retour à un affichage normal]

Accueil > recherche > Affichage d'une occurrence en contexte

Mazarinade n° B_9_22

Image de la page

Anonyme [1652], L’ABOLITION DE MONSIEVR LE DVC DE BEAVFORT AV PARLEMENT DE PARIS. Auec les dernieres Nouvelles de l’Armées de Messieurs les Princes, & l’ordre que Monsieur le Prince à donné pour oster les viures au Mareschal de Turenne. , françaisRéférence RIM : M0_14. Cote locale : B_9_22.


a fait venir quatre mille païsans pour faire des
retranchemens autour de son camp, qui tient
de tour plus de quatre grandes lieuës, hors la
portée du canon de l’eminence des ennemis,
qui auoient encores vn pont sur la riuiere de
Seine, vis-à-vis Ville-neufue sainct Georges,
par lequel il leur venoient des viures de Corbeil.
 
Monsieur le Prince, pour leur oster tous
moyens d’auoir des munitions de viure par la
riuiere & du costé du Gastinois venãt de Corbeil,
a fait construire vn pont sur batteaux pres
de Soisy au dessus Ville-neufue S. Georges,
sur la mesme riuiere, auec des forts aux deux
bouts, garnis de soldats & de canons, ce qui
oste au Mareschal de Turenne les moyens de
faire venir aucune chose de Corbeil par la riuiere.
D’auantage, Monsieur le Prince a fait passer
le Marquis de la Boullaye au Gastinois auec
deux mille cheuaux, & quelque infanterie
& a fait construire vn fort Real contre le pont
de ce Mareschal, qui est vis à vis Ville-neufue
S. Georges, à la faueur du canon, où il a mis
quatre cents hommes, & quatre canons pour
le garder : ce qui met à present le Mareschal
de Turenne hors de tous moyens d’auoir viures