[retour à un affichage normal]

Accueil > recherche > Affichage d'une occurrence en contexte

Mazarinade n° C_2_1

Image de la page

Anonyme [1649], L’AGATONPHILE DE LA FRANCE. , françaisRéférence RIM : M0_53. Cote locale : C_2_1.



Elle voudroit que ses supots,
Puis qu’ils n’ayment point le repos,
Eussent des charges dans la guerre,
Ou leurs mains lançants le tonnerre,
Contre nos plus fiers ennemis,
Leur feroit faire vn compromis
Touchant la paix vnïuerselle,
Et la fin de nostre querelle.
Cét esprit malin & peruers
S’il s’en trouue dans l’Vniuers,
Veut tousiours que la guerre regne,
Pour viure dessous son enseigne,
Dans les plaisirs & passetemps
Sans regarder leurs mauuais temps,
Où les François roullent leur vie,
Pour moy ie crois que son enuie
Doit finir & la guerre aussi,
Quand Dieu pour nous faire merci
Fera tomber dessus sa teste
La foudre que le Ciel tient preste,
Pour punir ses barbares mœurs,
Et ses insolentes humeurs,
Qui font qu’auec grand scandalle,
Lors qu’il paroist dans vne salle,
Où se treuuent des gens de cœur,
Et des Gentilshommes d’honneur,