[retour à un affichage normal]

Mazarinade n° B_14_33

Image de la page

Anonyme [1652], L’ALCION DES TEMPESTES DE L’ESTAT. , français, latinRéférence RIM : M0_58. Cote locale : B_14_33.

assez grande multitude d’oppressez & de souffrans, qui
sacrifient à tous momens au desespoir & la rage, sans en
augmenter encor le nombre par de nouuelles miseres.
La disette est vn dangereux ennemy, & vn directeur bien
estrange : Et nous pouuons dire que vostre Maiesté l’introduisant
de plus en plus au Royaume, se sert d’vn executeur
trop impitoyable. Certes il est vray que quand le
Turc auroit enuoyé ses satellites dans ce Royaume, il
n’auroit pas causé tant de tristesse, d’ennuy & de soûpirs,
qu’il s’en est épandu depuis que vostre Maiesté
s’est abondonnée à ces perturbateurs, qui ne respirent
bue la desolation vniuerselle des peuples. N’a t’on pas
veu les villages ruinés, les Chaste aux demolis, les champs
mis en deserts ? la fureur & l’impieté a t’elle mesme épargné
les Eglises ? Quels suplices n’a point inuenté la
cruauté des soldats contre vos Subjets : N’a t’on pas
encor veu ruisseler le sang de tous costés, pendant que
ces Harpyes triomphoient de la perte de tout le monde ?
 
Et quoy donc ne rejetterez vous point ces imaginations
des hommes seditieux & amateurs de la confusion
qui vous veulent jetter dans vne guerre eternelle, & qui
se veulent vanger injustement, & acquerir de la gloire &
du profit à vos propres despens, abusants ouuertement
de vostre authorité ? Si tant de Royaumes sont peris
jusqu’à present par les seuls artifices de telles gens, Que
sera ce si à la faute vous adioustez la force ? si la violence
est exercée par authorité, si l’oppression est établie par
Iustice. Pauures Souuerains, en quel estat demeurerez-vous,
si dés que vous estes vne fois trompés, il faut que
vous le soyez toûjours ! Pauures peuples, si la premiere
faute de vostre Souuerain luy doit coûter sa ruine & la
vostre ! Pauure Maison Royalle, si l’honneur des Couronnes
pour lesquelles la Prouidence Diuine vous a mis
au monde, se trouue soûmis au moindre de vos sujets !
Est-ce pour cela que le cœur des Roys est entre les mains