[retour à un affichage normal]

Accueil > recherche > Affichage d'une occurrence en contexte

Mazarinade n° A_2_48

Image de la page

Anonyme [[s. d.]], DISCOVRS CHRESTIEN ET POLITIQVE, DE LA PVISSANCE des Roys. , français, latinRéférence RIM : M0_1103. Cote locale : A_2_48.


au Seigneur de ce changement du Peuple,
& que le Seigneur luy respondit, ce n’est pas toy
ô Prophete qu’Israel a abandonné c’est moy mesme, il
ne veut plus que ie regne sur luy, dans l’Egypte il m’a
quitté pour des Idoles, & il te veut quitter auiourd’huy,
fais pourtant ce qu’il te demande, mais pren le auparauant
à tesmoin, & qu’il s’en souuienne à iamais.
Voyla la * Iustice des Roys ; il prendront vos femmes
& vos enfans, &c. De quels Rois pensez vous
que Dieu parlât ? Il parloit des Rois Idolatres.
Donnez nous vn Roy qui nous iuge, comme ont toutes
les nations de la terre ; c’est la demande du peuple
Iuif ; & l’on ne peut ignorer qu’alors toutes les
nations & leurs Rois estoient infideles ; c’est
donc bien à propos, pour releuer la Maiesté
des Princes Chrestiens, alleguer des Princes
Payens & Barbares ; & pour faire reuerer la
Royauté, c’est bien à contresens employer les
paroles prononcées de la bouche de Dieu mesme,
pour en destourner le peuple, par l’horrible
menace des maux dans lesquels il s’alloit
plonger ; Il faut estre bien abandonné à soy mesme,
& liuré aux passions d’iniustice, pour fonder
les droits legitimes des Rois Chrestiens sur
ce qui est dit contre la Tyrannie des Rois idolatres.
Ha, n’armes point la puissance absoluë,
qui n’est desia que trop redoutable de soy, de
raisons, d’iniustice & de violance : Et s’il vous