[retour à un affichage normal]

Mazarinade n° A_3_14

Image de la page

Anonyme [1649], L’AMBITIEVX OV LE PORTRAICT D’ÆLIVS SEIANVS EN LA PERSONNE DV CARDINAL MAZARIN. , françaisRéférence RIM : M0_73. Cote locale : A_3_14.

auons-nous pas veu vn Moyne Iacobin constitué Viceroy de Catalogne
au preiudice des Princes de France, par la seule raison
qu’il estoit frere de Mazarin. Ceux qui estoient parens, aliez &
amis de Sejanus au temps de sa faueur, ne craignoient point d’estre
chastiez par la Iustice pour leurs mauuais deportemens, parce
qu’ils estoient protegez de sa personne : Et iusques à ce iour Mazarin
ne s’est pas seulement contenté de faire donner des graces &
abolitions à ses amis & aliez, qui pour leurs enormes crimes meritoient
le dernier supplice, mais encores en a tiré de viue force des
mains de la Iustice, d’autres dont les forfaits ne pouuoient estre
expiez que par le feu. Si Sejanus enuieux a fait empoisonner Germanicus
en Esclauonie, à cause de la bien-veillance que les habitans
de Rome luy portoient : Mazarin a bien fait pis, pour vn en
ayant fair mourir des miliers par des boucons, & entr’autres feu
Monsieur le President Barillon, digne d’eternelle memoire.
 
Ceux qui ont leu l’Histoire Romaine sçauent que Sejanus fut
tellement effronté que d’attenter à la personne de Drusus fils de
Tibere ; ce qu’il executa par le moyen de la femme mesme dudit
Drusus, laquelle il fit consentir à ce forfait, & fit empoisonner
Drusus par la breuë de l’Empereur Tibere : Mazarin n’en auroit pas
moins fait s’il auoit rencontré de pareils euenemens. Si Sejanus a
fait mourir plusieurs innocens par les depositions des faux tesmoins :
Mazarin a bien monstré qu’il sçauoit fort bien la pratique
d’en faire autant. Si Ælius Scianus n’a point plaint sa peine
à rechercher ceux qui auoient l’esprit plus subtil à trouuer des
moyens propres pour dépouiller les habitans de Rome & de l’Empire
de leurs biens pour s’enrichir soy-mesme, & faire construire
des Edifices & des Palais somptueux, & achepter des Seigneuries.
Mazarin a bien osé agrandir des infames qui n’auoient autre bien
que la possession diabolique, propre pour espuiser les bourses des
gens de bien, pour s’en seruir, comme il a fait, à remplir la sienne<lb/> & celle de ses parens, ayant fait transporter hors de France tant de
millions d’or. Si Scianus a fait demettre en son temps plusieurs
personnes de probité de leurs Offices, charges & dignitez pour en
reuestir ses parens : Mazarin n’a pas manqué en cecy de l’imiter,
plusieurs personnes de condition, Capitaines des Gardes du Corps,
& autres, estans tesmoins irreprochables de ce que ie dis.