[retour à un affichage normal]

Accueil > recherche > Affichage d'une occurrence en contexte

Mazarinade n° B_12_33

Image de la page

Anonyme [1652], L’APOSTVME DE TOVTE LA COVR MAZARINISTES, Creuée contre les Parisiens. AVEC LA RESPONSE DES FRONDEVRS Aux Mazarinistes. Ne dis mot, paix, paix. , françaisRéférence RIM : M0_133. Cote locale : B_12_33.



Et pour parler dauantage de ce traistre, qui
nous a causé tant de mal & qui nous cause encor,
c’est qu’il ne nous faut pas attendre d’auantage, il
faut aller auec forces, & si l’on demande que
cherchez vous, il faut respondre, nous cherchons
l’homme de bonne volonté, & si on nous fait
repetter deux fois en nous demandant, que cherchez-vous,
il nous faut respondre nous cherchons
celuy que il y a long-temps que nous deurions
tenir, & si on vous demande encore vne fois que
cherchez-vous, il faut dire nous cherchons, Iules
Mazarin, on vous dira il est dans le bois.
Lissuë de ce bois pour aller au champs, estoit
vn cas fait à la main, par lequel son cousin deuant
passer la Sibille, se trouua tout à propos,
pour luy rendre raison de ce beau passage, & le
premunir contre les vrlemens & abois de Cerbere,
qui clabaudoient effroyablement contre ledit
Cardinal ; il est vray que le commandement
d’vn tel Prince, & de la Sibille luy imposerent le
silence.
Cette pose finissoit par vn vœu que Iules Mazarin
auoit fait, que si tost que l’on nous verroit
venir que l’on dist il est dans le bois, afin de s’en
fuyr d’vn autre costé, hé ! bien Ministre d’Estat
toy qui est si genereux, & qui nous menace tous
les iours de nous mettre à feu & à sang, tu nous