[retour à un affichage normal]

Mazarinade n° A_3_3

Image de la page

Anonyme [1649], L’ARRIVEE DES AMBASSADEVRS DV ROYAVME DE PATAGOCE ET DE LA NOVVELLE France. Ensemble ce qui s’est passé à leur voyage, auec des remarques curieuses. Traduit par le Sieur I. R. , françaisRéférence RIM : M0_390. Cote locale : A_3_3.

qui estoit en decadence, & les ayant asseuré
qu’il n’y faisoit pas bon pour eux, qu’il n’y auoit que
precipice à essuyer, & leur ayant fait voir ces affiches,
que ie viens de dire, & monstré la commission que
i’ay de venir en France, pour l’aduertir que nous ne
receurons pas, les Autheurs de sa perte.
 
Ayant entendu ces tristes nouuelles, ils trembloient
cõme l’arrons m’ont prié leur indiquer quelque
pays de refuge, mais ie les ay asseuré que ie ne
sçauois aucun lieu pour seruir de refuge aux depredateurs
& sur ces entre faites, a paru insensiblement le
courier de la Nouuelle France en Canada, qui a asseuré,
qu’en ce lieu on s’étoit saisi de leurs compagnons,
qui estoient condamnez à mort, & qu’on les attendoit
pour souffrir (auec eux) comme complices, &
que si Mazarin y alloit comme estant le chef des méchans
qu’on luy feroit l’honneur de marcher le premier,
comme le plus celebre grippeur, & ayant perpetré
des crimes enormes, pour l’endurcir à la peine
que ce pays exige ; qu’on commenceroit par le ballet,
qu’il a tant aymé en France, neantmoins il y a quelque
iours que les Hurons entendans souffler impetueusement
les Aquilons qui s’estans renserrez dans
quelques concauitez & grottes des Sauuages, on ce
persuadoit que c’estoit les tambours de la milice Mazarine,
& en ce triste instant, on ce mist en gardes de
puis lequel temps, on a fait des forts, des lignes &
contrescarpes, & rendu les lieux inaccessibles, au
moyen dequoy il estoit enuoyé en France, pour aduertir
Mazarin de sa perte inéuitable, si sa temerité