Mazarinade n° C_7_67
Image de la page
Anonyme [1649], L’ENFER REVOLTÉ, SVR L’ESTRANGE DESORDRE qui y est arriué depuis peu, par les Tyrans & les Fauoris des premieres Siecles. OV PAR VNE MERVEILLEVSE application, toute l’Histoire du temps present se trouue parfaitement bien representée. , françaisRéférence RIM : M0_1218. Cote locale : C_7_67.
Diable, est-ce là le respect que vous deuez porter au Prince
des tenebres. Aussi-tost l’orage fut appaisé, & l’vn de
ces combattans commença à dire : Nous auons raison de
vouloir estre les Maistres. A mesme temps on vid paroistre
Heliogabale, fils bastard de Caracalla, que les
Soldats Pretoriens furent contraints de despecer par
morceaux, & de ietter dans le Tybre, âgé seulement
de dix huict ans, à cause de sa lubricité, & de la profusion
de ses richesses. Busiris, Tyran d’Egypte, qui sous
pretexte de receuoir des estrangers dans sa maison, les
sacrifioit à Iupiter. Andronic Empereur de Constantinople,
que le peuple fut contraint de demembrer, pour
auoir vsurpé l’Empire sur Alexis son cousin, qu’il fit
cruellement mourir. Alcetes Roy des Epirotes, qu’Arymbe
son pere fut contraint de chasser du Royaume, à
cause de ses estranges cruautez. Phalaris Tyran des Agrigentins,
que le peuple fit rotir, pour auoir fait mettre
Perille dans vn taureau d’airain. Caratalla, qui tua son
frere pour paruenir à l’Empire, & qui fit mourir tous ses
amis auec des cruautez incroyables. Commodus, qui
passoit les iours & les nuicts auec des concubiens & des
garçons, qui fit tuer & violer ses sœurs, & plusieurs
Citoyens de Rome. Domitian, qui fit enseuelir Titus
son Frere tout vif, qui se fit exiger des Statuës d’or
pour se faire adorer comme Dieu, qui persecuta les
Chrestiens, qui s’adonna à toute sorte de lubricitez, &
qui fit mourir les plus nobles. Diocletian, qui se faisoit
adorer par ses subjets. Baltazar Roy de Babylone, qui
prophana les vaisseaux sacrez auec ses concubines, &
qui vid escrite sa condamnation contre la muraille ; &
plusieurs autres dont le denombrement seroit trop long
à faire. Lucifer voyant vne si noble & si Royale compagnie,
se mettoit en estat de les satisfaire, lors qu’il vid venir
à luy vn venerable vieillard, suiuy de plusieurs autres,
qui commença à luy parler de la sorte : Ie suis Solon, dit
le vieillard, & ceux qui me suiuent sont les sept Sages de
Grece, si renommez par toute la terré habitable. Celuy là
Image de la page