[retour à un affichage normal]

Accueil > recherche > Affichage d'une occurrence en contexte

Mazarinade n° A_3_28

Image de la page

Anonyme [1649], L’ENTRETIEN SECRET DE MESSIEVRS DE LA COVR DE S. GERMAIN, AVEC MESSIEVRS DE LA COVR DE PARLEMENT DE PARIS. , français, latinRéférence RIM : M0_1244. Cote locale : A_3_28.


reconnoissons impenetrables, & sans vouloir disputer des veritez
dont nous apperceuõs mieux l’effet que la cause : Nous vous
dirons pourtant, que nous descouurons au trauers de ces épaisses
tenebres qui nous enuironnent, que les mal-heurs dont la
Iustice de Dieu nous a inuestis, sont de puissantes preuues qui
nous annoncent, qu’il est vray ce que la Politique Chrestienne
& Ciuile nous enseigne, ce que la Theologie sacrée & profane
publie, ce que tous les Princes & Magistrats doiuent supposer
pour principe : mais ce que vous deuez croire constamment,
plus que toutes autres personnes du monde ; sçauoir que Dieu
destruict ce qu’il n’a point edifié : Il renuerse ce qu’il n’a point
estably : Il ruine ceux qui le méprisent : Il ne permet les crimes
que pour les chastier : Il fait iustice au trompeur & à celuy qui
est trompé : Il confond les Iuges qui se départent de sa conduite :
Il oste l’esprit aux sages qui le veulent estre sans luy, & malgré
luy : Il desceint le Baudrier des Roys, & les lie de cordes,
quand ils ne veulent pas le reconnoistre pour leur Souuerain : Il
couure les Prestres & les Prelats d’infamie, quand ils profanent
leur Charactere : Il supplante les Chefs & les supposts des Republiques,
quand ils abusent de leur pouuoir : Il oste la parole aux
plus gens de bien, afin qu’ils ne disent point la verité, ou s’ils la
disent, il ne permet pas qu’ils soient écoutez : Il iette l’ignominie
sur la face des Princes, qui l’ont voulu ietter sur luy, & il releue
de l’oppression ceux qu’vne iniuste violence auoit fait succomber :
Il manifeste ce qui auoit esté caché, & il publie ce
qu’on auoit tenu secret : Il fait croistre les Peuples que la vexation
auoit fait descroistre, & restablit ceux qu’on auoit veu perdus :
Il abaisse les superbes, & il exalte les humbles : Il destruict
la force, & il fortifie le neant : Il abbat dans vn moment la grandeur
des impies, & il ressuscite la posterité esteinte de l’homme
de bien. Il fait toutes ces merueilles, parce qu’il est Dieu, &
parce que c’est à luy à suppléer le defaut des causes secondes,
pour mettre tout à la raison.
 
Apud Deum est fortitudo & sapientia, ipse nouit & decipientem,
& eum qui decipitur. Adducit consiliarios in stultum finem & iudices
in stuporem ; Baltheum Regum dissoluit, & præcingit fune renes
corum. Ducit Sacerdotes inglorious, & optimates supplantat. Commutans
labium veracium, & doctrinam senum auferens, Effundit
despectionem super Principes, eos qui oppressi fuerant, releuans. Qui