[retour à un affichage normal]

Mazarinade n° C_7_72

Image de la page

Anonyme [1649], L’ENTRETIEN SECRET DE MESSIEVRS DE LA COVR DES. GERMAIN, AVEC MESSIEVRS DE LA COVR DE PARLEMENT DE PARIS. , français, latinRéférence RIM : M0_1244. Cote locale : C_7_72.

L’ENTRETIEN
SECRET
De Messieurs de la Cour de S. Germain,
AVEC
Messieurs de la Cour de Parlement de Paris.
Il n’y a que la Iustice, Messieurs, qui puisse soustenir
la grandeur des Estats : puis qu’il n’y a
qu’elle seule qui puisse maintenir toutes choses
dans le deuoir. Vostre Compagnie a esté choisie
de Dieu & du Roy pour l’exercer. Et c’est ce
qui fait que nous vous regardons comme des
Dieux mortels, qui disposez du destin des Peuples : & qui comme
le grand Dieu du Ciel, pouuez inspirer ou la vie ou la mort,
par le souffre de vos bouches. Ce pendant que cette Iustice a
reglé vostre conduitte & la nostre, elle nous a fait voir vn Siecle
d’or, rendant à vn chacun ce qui luy appartenoit : Dieu estoit
seruy & redouté ; le Prince estoit aymé & honoré ; le Royaume
estoit florissant & heureux.
Toutes les actions de cette illustre Vertu, estoient autant de
sacrées splendeurs, qui se reflechissoient sur l’Estat, comme les
rayons sur le corps du Soleil, qui le faisoient esclater dans le plus
haut lustre de sa perfection, aussi bien que de sa gloire. Mais il
faut aduoüer qu’incontinent que l’harmonie de cette Iustice a
esté rompuë ou alterée, incontinent que l’integrité l’a cedé à la
complaisance, incontinent que nos pechez sont deuenus les
vostres, & que la Politique interessée, a esté plus forte que celle
de l’Euangile : Alors nous auons commencé d’espreuuer l’espouuentable
verité des Oracles du S. Esprit, qui menace de