[retour à un affichage normal]

Mazarinade n° B_4_19

Image de la page

Anonyme [1652], L’ESPRIT DV FEV ROY LOVIS LE IVSTE A LA REYNE. Luy tesmoignant ses sensibles regrets sur le mauuais gouuernement de l’Estat. , françaisRéférence RIM : M0_1286. Cote locale : B_4_19.

moy. Vous oubliastes les morts, pour penser aux
viuans. La douceur d’vn vin delicieux que vous
goustiez cependant auec plaisir, n’empeschoit pas
que les vapeurs ne vous en montassent au cerueau.
Toute vostre suite estoit yure de ioye & de bonne
chere, & Dieu sçait, si dans vostre retraitte,
qui se faisoit tousiours à la fraicheur d’vne belle
nuit, les pauures cheuaux de carrosse, qui seuls
entre les animaux dont vous estiez accompagnée,
estoient à jeun, en auoient alors à souffrir, & si
dans ce cours mal ordonné le rencontre des carrosses,
poussez auec precipitation, & le tracas des
rouës, & de leur autre equipage, ne causoit pas
souuent parmy vostre train vn embarras fauorable
aux entreprises amoureuses, & qui fut en suite le
diuertissement de toute la Cour. Ce fut en ce mesme
temps, si l’on m’a fait de iustes rapports, qu’vne
ieune Princesse de mon sang, beaucoup plus sage
en son prim-temps, que vous n’estes en vostre automne,
vous obligea par deux ou trois mots qu’elle
vous dist, d’vn air serieux, de vous mordre la levre,
de baisser les yeux, & d’auoüer par vostre silence
que ce qu’elle vous auoit dit, ne souffroit point de
repartie. Elle estoit à la campagne dans vn mesme
carrosse que vous, le temps estoit beau, la compagnie
agreable, & le dessein de se bien diuertir, sur
le point de son plus doux effet, qui estoit la colation
& la musique, car pour le bal, on n’en prenoit
encore le plaisir qu’en idée. Ainsi tandis que
le carrosse rouloit agreablement dans vne belle