[retour à un affichage normal]

Mazarinade n° B_4_19

Image de la page

Anonyme [1652], L’ESPRIT DV FEV ROY LOVIS LE IVSTE A LA REYNE. Luy tesmoignant ses sensibles regrets sur le mauuais gouuernement de l’Estat. , françaisRéférence RIM : M0_1286. Cote locale : B_4_19.

campagne, on auoit meu diuers propos de galanterie
sur le sujet de vos promenades, & de vos autres
diuertissemens, sur quoy quelqu’vn s’émancipa,
iusqu’à dire, que si le Cardinal de Richelieu reuenoit,
on verroit vn estrange changement en vostre
fortune, & bien des carrosses démontez : à quoy
vous repartistes soudain, ou quelqu’vn en vostre
faueur, qu’on auoit mis si bon ordre à tout, qu’il
n’y trouueroit pas son compte, & seroit tout fier
de retourner d’où il estoit venu, ce qui fermoit la
bouche à tout le monde : Mais elle se leuant en
pieds, & fronçant le sourcil auec vne mine seuere,
vous regarda fixement, puis vous dit serieusement.
Si mon grand Papa reuenoit, car c’estoit
de ce nom qu’elle m’appelloit alors. Il vous
souuient sans doute de ce discours, car ie ne croy
pas qu’il vous soit si tost eschappé de la memoire,
vous y fistes alors vne trop serieuse reflection, mais
non telle que vous deuiez pour en profiter. Vous
en rougistes à ce qu’on m’a dit, & l’interdiction
que vous fistes paroistre, fut cause que cette Princesse
fut grondée par son grand Papa le Duc d’Orleans,
qui iugea depuis que son sentiment estoit
plus raisonnable que celuy de tous les autres. Vous
continuastes dans vos libertez, & vostre fauory
dans les extorsions publiques. Toutes les grosses
Villes furent pleines d’intendans, les petites des
Commissaires, les passages d’Archers, les Bourgs
d’Huissiers, les Paroisses de Sergens, & les petites
Foires, ou marchez de voleurs, qui leuoient de