[retour à un affichage normal]

Accueil > recherche > Affichage d'une occurrence en contexte

Mazarinade n° A_3_80

Image de la page

Anonyme [1649], L’HERACLITE COVRTISAN. Væ, væ, væ, Superbia commune Nobilitatis malum. , français, latinRéférence RIM : M0_1621. Cote locale : A_3_80.


deshonneste en l’action, vne aigreur parmy la reprehension : & pour
peu qu’il y ait de superbe meslée auec la vertu, elle perd son Iustre, ainsi
que peu de fiel est suffisant de rendre amer tout suc pour doux qu’il
soit. Platon ayant vn jour conuié certains Philosophes, & entre autres
Diogenes ; Il auoit fort bien preparé sa maison, & orné la salle en laquelle
il les deuoit traitter, de licts couuerts de beaux tapis, auec ses
plus precieux meubles. Diogenes si tost qu’il fut entré, il commença à
fouler aux pieds ses beaux tapis : Auquel Platon s’adressant, luy dit ;
Que fais tu là Diogenes ? Ie foule aux pieds, respondit-il, l’orgueil de Platon.
Mais Platon repartit de bonne grace, Voire, mais e’est par vn autre
orgueil. Le tenant d’vn plus grand fast & orgueil, dont il estoit saisi en
foulant ses tapis, que non pas luy mesme en les possedant. Que dirai-je
de cét autre Philosophe tant fameux, auquel à cause d’vn manteau
tout deschiré qu’il portoit, son compagnon reprocha qu’il voyoit par
les trous de son vestement, la Gloire & la Superbe qui estoit cachée
dessous. Et dit-on qu’il n’appartient qu’à vn Esprit grandement malade
de se laisser emporter dans le chariot de superbe, duquel les quatre
cheuaux attelez sont le desir de commander, la joye de sa propre
loüange, le mespris & la desobeïssance : & les roües sont l’ambition
& l’arrogance : le Cocher ou Conducteur, c’est l’homme meschant.
 
Ha ! si l’homme, qui n’est que terre & cendre, regardoit souuent, &
jettoit les yeux sur soy, sur les ordures & immondices qui sortent de
ses oreilles, de ses yeux, de son nez, de sa bouche, où passent les choses
qui chatouillent plus son appetit, & de tout son corps : quelle occasion
trouueroit-il au monde de s’enorgueillir ? De son Esprit, non : car
il est muable, changeant, inconstant, ignorant tout ce qu’il peut : Il
n’emporte que l’escorce des sciences, & ne sçauroit jamais venir à la
perfection ; & encores s’en esloigne-il lors qu’il se rend superbe : car ce
vice émousse la pointe de son Esprit, & obscurcit la verité de toutes
choses. Plusieurs Roturiers veulent faire les Nobles : plusieurs pauures
contrefaire les riches : plusieurs se contentent de changer d’habits, &
non pas de mœurs. Ce qu’ils ont acquis à prix d’argent, ils veulent faire
croire qu’ils l’ont obtenu par leurs merites : & le plus souuent sont si
fols, qu’ils s’imaginent estre aussi éleuez que les plus hautes tours du
monde, & plus encores. L’oiseau qui vole bien haut par dessus les filets
n’est pas pour cela plus hors de danger d’estre pris, que celuy qui
ne vole point du tout, ou du moins fort peu : d’autant que l’Oiseleur
l’attrape au glud, lors qu’il s’abat, & ainsi le prend à la main bien plus