[retour à un affichage normal]

Accueil > recherche > Affichage d'une occurrence en contexte

Mazarinade n° B_1_24

Image de la page

Anonyme [1652], L’HEVREVX RETOVR DV ROY, AVEC LA PAIX DANS SA bonne Ville de Paris. , françaisRéférence RIM : M0_1632. Cote locale : B_1_24.


souffrir cét esloignement ont fait tous leurs efforts,
pour persuader le Roy de venir s’assoir sur
son Tiosne, ils ont vsé de tant de respect, & de
submission enuers sa Maiesté, qu’enfin ils ont
obtenu de sa bonté qu’elle viendroit en sa bonne
Ville de Paris auec la Paix, pour nous apporter
l’abondance & la seureté, & Dieu s’est voulu seruir
de nos Colonels & des autres Deputez pour
acheuer vn si grand œuure.
 
La sagesse diuine se fait admirer dit l’Escriture,
en ce que la mer dans ses plus grands troubles ne
passe iamais ses bornes, & qu'vn grain de s’able
sert de limites à tous ces bouillons. Nous pouuons
dire que le Calme dont nous allons ioüir, est
vn effet de prouidence particulier de Dieu, sur ce
ce Royaume & principalement sur Paris, puis
que tous ces troubles qui nous menacoient, &
que les vagues de cette guerre venoient iusques
à nos portes ont esté dans vn instant dissipées
comme arrestees par vn grain de sable.
Ce puissant armement qui se trouuoit dans l’vn
& l’autre party, menaçoit le Royaume de son entiere.
ruyne. Paris semboit estre reduit à cét estat
deplorable, que de se voir priué de son Roy & de
donner retraite à des Estrangers, apres auoir rauagé
nos Compaignes.
Mais on doit tenir auiourd’huy vn langage contraire.