[retour à un affichage normal]

Accueil > recherche > Affichage d'une occurrence en contexte

Mazarinade n° C_5_54b

Image de la page

Anonyme [1649], L’HOROSCOPE DE IVLES MAZARIN, Naifuement & fidellement expliquée des Centuries de M. Nostradamus. tant du passé, present qu’aduenir. Ensemble des Epithetes & Thesme Celeste sur toutes les Lettres de son Nom & sur-nom. LE POVRTRAICT DE SON PERE. , françaisRéférence RIM : M0_1665. Cote locale : C_5_54b.


que les habitans de Paris ont prises contre le party
d’vn si pernicieux Ministre.
 
Par vne nuict Gaule sera troublée.
Ce fut par vne nuict veritablement que la France a
esté troublée, puisque celle de la veille des Roys Iules
Mazarin enleua le Roy hors de son Palais ordinaire,
sans seulement en donnër la cognoissance à ceux qui
doiuent estre tousiours auprés de sa personne.
Du grand Crœsus l’Horoscope predit,
Par Saturnus sa puissance exillée.
Il peut à bon droit estre appellé Crœsus, puis que
par ses violences a extorqué & enuahy toutes les richesses
du Royaume, en ayant fait à son propre ; mais estant
menassé par Saturne, qui suiuant les Philosophes Cabalistes,
suiuant l’Analogie qu’ils font des sept Planettes
aux sept metaux, appellant l’or Soleil, l’argent Lune,
le cuiure Venus, l’estain Iupiter, le fer Mars, l’argent-vif
Mercure, & le plomb Saturne, il se verra en fin que
le plomb pris pour Saturne, poussé par la violence &
force du feu, rendra sa puissance exillée, chassant au
loin celuy qui par Arrest du Parlement a esté declaré
perturbateur de l’Estat & du repos du peuple, qui ne
respire qu’à viure paisiblement sous l’authorité du Roy,
suiuant les Loix diuines & humaines, bannissant de
cét Estat la cause des maux & des miseres qu’il nous a
fait souffrir.
Voila l’explication de la derniere Centurie, laquelle
iointe au sens de la premiere, vous y trouuerez l’euenement
des affaires de ce temps.