[retour à un affichage normal]

Accueil > recherche > Affichage d'une occurrence en contexte

Mazarinade n° C_5_61

Image de la page

Anonyme [1649], L’INIVSTICE DES ARMES DE MAZARIN, TESMOIGNEE A MONSIEVR LE PRINCE DE CONDÉ, PAR MONSIEVR DE CHASTILON. , françaisRéférence RIM : M0_1698. Cote locale : C_5_61.


en ce qui concerne les affaires de cette Monarchie, qui
prennent le train de la confusion, & de vous estimer l’autheur
de tous ces desordres. Ainsi vous perdriez le fruict
des obligations dont la France vous eust esté redeuable
durant sa minorité, & elle ne perdroit iamais la memoire
des miseres dont vous la menacez.
 
Mais ie veux que toutes ces raisons ne soient pas suffisantes
pour vous conuaincre, il me semble que celle de
vous voir seul de vostre party doit emporter sur vostre esprit
vne resolution mieux digerée & moins blasmée de
tout le monde. Les Princes & les grands Seigneurs que
vous voyez auprés de vous n’y sont que par necessité ou
par debuoir : par necessité, ceux qui ont esté retenus par
des personnes gagnées & subornées par le Cardinal Mazarin :
Par deuoir, ceux là que la bien seance obligent
d’estre aupres la personne du Roy & qui ont le soin de sa
conseruation. Monsieur de Conty vostre Frere, Monsieur
de Longueuille, d’Elbeuf & autres personnes de marque
se sont iettez du costé de la Iustice connoissant bien que
vostre cause n’estoit pas bonne, & que vostre resolution de
maintenir vn Estranger n’estoit pas legitime. Tellement
que le peu d’Officiers qui vous restent ne sont aupres de
vous, qu’où pour auoir l’honneur de vos bonnes graces,
ou pour s’asseurer de leurs charges : Les soldats en fin qui
vous suiuent ne sont attirez vers vous que par l’esperance
du pillage & des licences extraordinaires que vous leur
donnez.
Ce pretexte que l’on veut anticiper sur l’authorité Royale,
& que l’on cherche les moyens d’attenter sur la personne
du Roy vient de la teste & du cerueau mal tymbré de
celuy dont vous voulez appuyer la tyrannie, & dont l’esprit
est tellement enclin au vice qu’il ne peut s’imaginer