[retour à un affichage normal]

Accueil > recherche > Affichage d'une occurrence en contexte

Mazarinade n° C_12_1

Image de la page

Anonyme [1652], L’INQVISITION RECHERCHANT EXACTEMENT CE QV’ON DOIT FAIRE DAN L’ESTAT PRESENT DES AFFAIRES. , françaisRéférence RIM : M0_1703. Cote locale : C_12_1.


la Reyne, ny le Mazarin, n’en sont capables : apres
auoir abaissé l’authorite Royale comme ils ont fait,
apres auoir mis en proye tout le bien de la France,
comme l’on sçait & auoir enfin prostitué l’hõneur
de Sceptre Français a toute sorte de bassesses, &
parmy les Estranger & parmy les François mesme :
Il faut pour dissiper tous ces desordres que la Roy ne
ce de son rang à S. A. R. Chacun sçait bien comme il
est amateur de la Paix qui contient en soy tous les
biens que nous souhaittons. C’est pour lors que la
retraitte du C. M. ne nous semblera plus vne feinte,
& que nous serons deliurez de la peur qu’il nous
b/> donne de le reuoir bien tost r’entrer à main armee
dans ce Royaume pour y apporter la derniere desolation.
 
S’il saut raisonner sur ce changement d’Estat, on
treuuera sans doute que la Reyne est obligée à le
vouloir par tous les motifs profanes & de religion,
que S. A. R. y est engagé par la necessité des affaires,
qui demandent vn homme pour leur debroüillement,
& qu’estant l’auantage du Roy & de tous ses
Peuples, il ne faut plus que personne y contredise,
s’il ne veut estre declaré ennemy du repos & du
bon heur de cette Couronne.
La Reyne sçait bien en conscience qu’elle vsurpe
vn pouuoir qui ne luy est point dû, autrement il
estoit inutile de declarer le Roy Majeur à 14 ans :
car ie n’en sçait point de raison, sinon que cette Declaration