[retour à un affichage normal]

Mazarinade n° B_17_22

Image de la page

Anonyme [1652], L’INTERPRETE DV CARACTERE DV ROYALISTE, Monstrant à Agathon quelle a esté la conduitte de Monseigneur Seguier, Chancelier de France, dans tous ces emplois. , françaisRéférence RIM : M0_1722. Cote locale : B_17_22.

de son oncle, il fut enuoyé Intendant de
la Iustice en Guyenne aupres du feu Duc d’Espernon,
auquel il inspira les ambitieuses & déreglées
pretentions qui ont passé, comme par
droit hereditaire en la personne de son fils &
successeur au gouuernement de cette Prouince,
laquelle ils ont ruynée, & enfin soustraite de
l’obeïssance du Roy, en voulant sur ces mauuais
principes, y establir trop fortement leur
authorité particuliere.
 
Estant President au Parlement, il auoit pour
voisin dans le Cloistre Nostre Dame le Prieur
des Roches, auec lequel il establit par l’entremise
de son frere, qui estoit lors Doyen de
cette Eglise, vne si estroitte amitié & correspondance,
qu’ayans preueu l’orage qui se preparoit
pour fondre sur la personne de Monsieur
de Chasteau-neuf. Des Roches mesnagea
si bien l’esprit du Cardinal de Richelieu
son Maistre, qu’en luy persuadant que nostre
personnage auoit l’ame tres basse, née & entierement
encline à la seruitude. Il luy fit prendre
la resolution de le proposer & faire agréer
au feu Roy pour la Charge de Garde-des-Sceaux,
pour la cõsideration des diuers Offices
qu’il auoit exercées, du rang qu’il tenoit alors
dans le Parlement, de ses parentez & alliances
dans Paris, & des qualitez qui paroissoient