[retour à un affichage normal]

Mazarinade n° B_17_22

Image de la page

Anonyme [1652], L’INTERPRETE DV CARACTERE DV ROYALISTE, Monstrant à Agathon quelle a esté la conduitte de Monseigneur Seguier, Chancelier de France, dans tous ces emplois. , françaisRéférence RIM : M0_1722. Cote locale : B_17_22.

son approbation, le procedé de ces bons Religieux
fut si agreable à l’oncle, qu’il leur promit
qu’en luy baillant son nepueu pour trois
mois, il le rameneroit apres ce temps-là dans
leur Conuent, au cas qu’il perseuerast dans la
resolution de passer sa vie auec eux : Cét ordre
fut suiuy, & le pretendu Religieux ramené dans
la maison de son oncle, qui vsa l’espace de trois
mois de tous les moyens possibles, sans interresser
l’honneur de Dieu, pour faire prendre
à son nepueu l’esprit du monde, & luy faire
quitter celuy de la Religion ; mais ses soins furent
inutiles, & il falut que suiuant sa promesse
les trois mois estant expirez. Il le ramenast au
Monastere des Chartreux, où il receut l’habit
de cette Religion auec l’approbation de son
oncle & de ses autres parens ; Mais apres y auoir
demeure vn temps considerable, il fut ennuyé
de cette sorte de vie, & il retourna dãs le monde,
où ion ambition couuerte d’vne grande
hypocrisie, & d’vne fausse apparence de bonté,
la porté dans les degrez d’honneur où nous l’auons
veu. Y a-t’il donc dequoy s’estonner ? si
ayant fait banqueroute à Dieu, il l’a fait auiourd’huy
au Roy, à sa dignité & au public,
par cette honteuse & criminelle prostitution.
 
Il fut Conseiller au Parlement, il deuint
Maistre des Requestes, & à la recommandation