[retour à un affichage normal]

Mazarinade n° B_10_31

Image de la page

Anonyme [1652], L’INVENTAIRE DES SOVRCES D’OV LES DESORDRES DE L’ESTAT sont emanés, qui sont, I. La Religion deschirée par les Schismes; descriée par ses Predicateurs; & par les mauuais exemple des grands. II. Le Chaos des trois Estats: le desreglement du Clergé; la decadance de la Noblesse, & le luxe du peuple. III. Le crime sans punition dans les personnes publiques. IV. La pauureté mesconnuë par les Prestres, & l’abondance de biens recherchée. V. La Politique desbauchée par le commerce des fourbes. , françaisRéférence RIM : M0_1731. Cote locale : B_10_31.

sont de son ressort, & de mettre vn bon reglement
dans la police de la Religion, sans pretendre
autrement à celle du gouuernement ciuil,
que lors qu’il y sera forcé par les debordements
de ceux qui en sont les œconomes La Noblesse
doit auoir l’intendance de tout ce qui concerne
le gouuernement Politique tant en la paix que
dans la guerre ; & le Tiers Estat ne doit pretendre
à tout rompre qu’a la faueur de l’execution
des ordes de ceux qui ont le manimẽt des affaires
ne pouuant enbriguer le commandement
qu’auec temerité, comme il feroit sans doute vn
monstre, si toute fois il pretendoit ou s’esleuer
au dessus ou du moins marcher de pair auec la
Noblesse ; tandis que cette intelligence se trouuera
dãs les trois Estats que le Clergé ne se meslera
point dans la prophane ; que la Noblesse ne
se raualera point à des choses indignes, & que le
peuple n’aura point l’ambition de s’esleuer au
dessus de la bassesse : toutes les portes des desordres
seront fermées, & les orages ne pourront
iamais bouleuerser la tranquillité des Estats.
 
Mais seroit il bien possible que cette diuine
paix peut estre auiourd’huy le Paradis de ceste
Monarchie ; puis que ce caos Politique a tellement
confondu les trois Estats ; qu’on ne sçauroit
plus, ny distinguer le Clergé d’auec la Noblesse,