[retour à un affichage normal]

Accueil > recherche > Affichage d'une occurrence en contexte

Mazarinade n° A_6_52

Image de la page

Anonyme [1649], L’OBEISSANCE REMONTREE. , françaisRéférence RIM : M0_2563. Cote locale : A_6_52.


noblesse pour les posseder, la seule vertu formoit
le tiltre d’vne election si honorable : Ce
bon homme Quintus Cincinatus, vn bon Laboureur,
qui trauailloit sur son bien, & de sa
propre main cultiuoit ses terres, estant cogneu
tres-prudent, judicieux & homme de cœur,
fut éleu à la Dictature ; lors qu’il entendit son
election il se souuint, que du commencement
que la chose publique des Romains commença
son augmentation, on ne regardoit que les
naturels robustes, & ceux qu’on estimoit plus
courageux pour les dignitez & les charges des
armées, la Vertu faisant toute la Noblesse, &
qu’il ne falloit pas mettre d’autre difference
entre les hommes que celle de leurs bonnes
ou mauuaises actions ; & sans renoncer à sa
qualité premiere, il agissoit tantost à l’vne,
apres à l’autre, comme l’occasion le faisoit
agir ; & tout vestu de toile en habit de Dictareur,
entreprit la defense & le gouuernement
public ; il prit la charge des gens d’armes,
s’en alla chercher les ennemis, & les trouua
qu’ils tenoient Municius Consul enfermé, il
les vit puissans & en bon ordre, & les attaqua
si courageusement qu’il les defit, deliura Municius,
& se retira plain d’honneur, & apres
cela fit prendre ce Municius, & le priua de son
Consulat, pour ce qu’il dit que cela estoit