[retour à un affichage normal]

Mazarinade n° C_6_44

Image de la page

Anonyme [1649], L’ORGVELLIEVX HVMILIÉ OV LE CAPORAL ESTONNÉ. , françaisRéférence RIM : M0_2632. Cote locale : C_6_44.

Soldats de sa Compagnie, l’y auoit vn Pintre assez expert
en son art, & bon compagnon en table tant pour
boire & manger que rire & folaster, & pour donner
le reste à quiconque l’auroit attaqué, comme il le
monstra bien à nostre Caporal, qui l’ayant posé en
sentinelle enuiron l’heure de minuict, luy eusse laissé
iusques au iour, si quelque autre soldat de la mesme
Compagnie ne ce fût approché de luy, & entre
eux firent paction de faire quelque brauade à ce Caporal
ignorant, & pour cét effet le soldat prist les Armes
du Peintre, se posant luy mesme en faction, releuant
le Peintre de la sorte qui alla auertir quelques autres
soldats, ausquels y remonstra le peu de sçauoir du
Menuisier Caporal, leur donnant à entendre qu’il
falloit faire sentinelle l’vn apres l’autre, sans aduertir le
Caporal pour voir combien y seroit sans visiter ses
sentinelles, à cela y s’accorderent & firent faction l’vn
apres l’autre iusque aux nombre de cinq, y estant vne
heure chacun qui étoit donc cinq heures entieres, qui
s’estoiẽt escoulées sãs que le Caporal eust visité ses sentinelle,
& eust encores esté dauantage sans y aller si la
sentinelle posée la derniere n’eut appellé Caporal
hors la garde, apres auoir arresté deux hommes qui
vouloient entrer dans la Ville. Mais luy ayant entendu
ce mot, ce transporta iusques à la porte où il par la aux
deux hommes qu’il laissa entrer & à la sentinelle, laquelle
y ne reconnoissoit pas, ne sçachant si c’estoit
celle là qu’il auoit posée à minuict ou vne autre, &
l’eusse encores laissé là, si le factionnaire ne luy eust
dit qu’il n’entendoit pas son mestier, & qu’il eusse à
le releuer promptement & prendre garde vne autre