[retour à un affichage normal]

Mazarinade n° A_5_92

Image de la page

Anonyme [1649], L’VNION ET ALLIANCE DE L’ESPAGNE AVEC LA FRANCE. AVEC LES PROTESTATIONS du Roy d’Espagne contre Mazarin. Sujet aussi remarquable, que curieux. , français, latinRéférence RIM : M0_3912. Cote locale : A_5_92.

bonté veritablement Royale, n’a t’elle pas enuoyé
expres à ce venerable & respectueux Senat luy faire
offre de son armée ? apres qu’elle a esté suppliée
par Mazarin, luy accorder pour ruïner la France,
& sacrifier à sa rage & à ses furieuses passions cette
illustre Cõpagnée, à laquelle il doit toute veneratiõ.
Cét impie croyoit flechir cette ame Royale par
l’excés de ses promesses, qui estoient fondées dans
l’injustice, voulant donner à ce valeureux Prince
libre accés dans la France, luy rendre toutes les
Places que les armes florissantes des François
auoient acquises à cét Estat, & que par vne triste
Paix il se rendroit absolu, se seruant de la minorité
du Roy, apres qu’il auroit victimé à sa cruauté
ordinaire cette saincte Societé qui est l’appuy du
timon, & le Soleil qui éclaire tous les peuples ; ce
sera le mesme qui dissipera tous les nuages & calmera
toutes les tempestes. Ces Augustes Senateurs
seront comme ces astres tres-brillans, qui amenent
vn tres agreable iour.
 
Qui n’est autre que la Paix qui calmera tous
soins, & qui rendra la France plus florissante que
iamais, bien tost à la faueur de ces aimables & respectueux
Magistrats ; elle sera affranchie de toutes
les oppressions Mazarines : l’Espagne aussi bien
qu’elle y apporte ses soins, par les offres qu’elle
fait de contribuer par sa milice à vn employ si
glorieux, qui chassera les troubles, & vnira plus
estroitement les cœurs, mesme les plus sauuages, à
la plus grande gloire de Dieu, par la perte de cét