[retour à un affichage normal]

Mazarinade n° C_11_3

Image de la page

Anonyme [1651], MANIFESTE DES PROVINCES FAIT AVX PARLEMENS, SVR LA LETTRE CIRCVLAIRE DV PARLEMENT de Paris aux autres Parlemens de France. AV SVIET DE L’EXPVLSION du Cardinal Mazarin hors du Royaume. , françaisRéférence RIM : M0_2387. Cote locale : C_11_3.

comme la violence la presse & la menace de sa derniere
ruyne : Elle à finalement pris resolution d’embrasser
l’occasion presente pour mettre ses plaintes
au iour & les faire entendre aux Cours Souueraines,
lesquelles vnies & en bonne intelligence les escouterons
& en ordonneront ce qu’elles iugeront estre
necessaire pour leur bien & leur soulagement.
Voicy la saison qui fait esperer à la France de reuoit
son premier calme, retourner & deliurer de la longue
misere qui l’auoit presque abbatuë & reduite à
l’impossible d’en voir la fin, par la genereuse resolution
que le Parlement de Paris, vny auec les Princes,
& secondant les vœux des trois Estats du Royaume,
à prise de se prendre à la racine du mal, la
couper, la retrancher & luy oster les moyens de ne
plus nuire, lors que par son Arrest tres-iudicieux
elle à resolu & ordonné que Iule Mazarin, pierre de
scandale de toute la Chrestienté, seroit forclos du
Gouuernement, & sortiroit du Royaume, comme
ennemy de son bien & perturbateur du repos public.
Cét Arrest a esté suiuy d’vne autre en forme
de Lettre Circulaire, enuoyée aux autres Parlemens
de France, les inuitant d’embrasser leur commune
vnion, contre l’ennemy commun, & de donner pareil
Arrest contre ce mauuais Ministre, portant qu’il
sera exclus du Ministere & contrainct de sortir du
Royaume.
 
Chaque Prouince en ayant eu advis, & considerant