[retour à un affichage normal]

Accueil > recherche > Affichage d'une occurrence en contexte

Mazarinade n° C_6_40

Image de la page

Anonyme [1649], OBSERVATIONS CVRIEVSES, SVR L’ESTAT ET GOVVERNEMENT DE FRANCE. Auec les Noms, Dignitez & Familles principales, Comme il est en la presente année 1649. Nouuellement reueuës & augmentées. , françaisRéférence RIM : M0_2568. Cote locale : C_6_40.



Louis de Valois Comte d’Alez son fils est Gouuerneur de Prouence,
c’est luy qui arresta le Prince Casimir. Il a espousé la veufue
du Comte de Torigny qui fut tué en düel par le Baron de Bouteuille,
qui depuis en l’année mil six cens vingt-sept eut la teste trenchée
en la place de Greue, & le Comte de la Chappelle aussi, pour
luy auoir seruy de second en vn combat qu’il fit en la place Royalle
contre le Baron de Beuuron, & le Marquis de Bussi d’Amboise,
fils en premieres nopces de Madame la Presidente de Mesmes, laquelle
par ses soins les fit arrester & executer à mort.
Le Roy Henry IV. a eu plusieurs Enfans naturels, qui en faueur
de leur legitimation verifiée en Parlement, passent pour Princes,
& portent le nom & armes de Bourbon ; mais auec vne barre qui
passe du costé gauche à trauers des trois Fleurs de Lys.
De Madame Gabrielle d’Etrée Duchesse de Beaufort, il a eu
Cesar Duc de Vendosme, (pere de Louys de Vendosme Duc de
Mercoœur, de François de Vendosme Duc de Beaufort, & d’Isabelle
de Vendosme Duchesse de Nemours.) Auiourd’huy viuant
heritier du costé de sa femme de tous les biens de la Maison de
Mercœur ; Alexandre de Vendosme son frere grand Prieur de
France qui mourut prisonnier au bois de Vincennes, & Catherine
de Vendosme sa sœur mariée au Duc d’Elbeuf.
Henry de Bourbon Marquis de Vernüeil Euesque de Mets,
Prince du Sainct Empire, Abbé de Sainct Germain des Prez
à Paris, est fils de Henriette de Balsac Marquise de Vernüeil, &
a esté legitimé en Parlement, comme Antoine de Bourbon Comte
de Moret fils de Iacqueline de Bueil Comtesse de Moret, qui
mourut en la mesme bataille que ie vous ay marqué la prise du
Duc de Montmorency.
Henry IV. eut encores deux filles de Madame des Essars,
auiourd’huy, mariée à Monsieur le Mareschal de l’Hospital,
sçauoir Ieanue de Bourbon, dicte de S. Maur Abbesse de Fonteuraud
en Anjou, & Marie Henriette de Bourbon, dicte de Saincte
Placide, Abbesse de Chelles.
Monsieur le Duc de Longueuille porte le nom de Henry
d’Orleans estant descendu de Iean Comte de Dunois, bastard
de la maison d’Orleans. En cette qualité neantmoins il est
consideré comme Prince, & deuroit preceder les Princes
estrangers, comme ceux de la maison de Lorraine qui sont