[retour à un affichage normal]

Mazarinade n° D_2_28

Image de la page

Anonyme [1649], PROCEZ VERBAL, DE LA CONFERENCE FAICTE A RVEL, PAR MESSIEVRS LES DEPVTEZ DV Parlement, Chambre des Comptes, & Cour des Aydes, ensemble ceux de la Ville. CONTENANT TOVTES LES PROPOSITIONS qui ont esté faictes, tant par les Princes & Deputez de la Reine, que par les Deputez desdites Compagnies, & de tout ce qui s’est passé entr’eux pendant ladite Conference. , françaisRéférence RIM : M0_2892. Cote locale : D_2_28.

la Compagnie ayant deliberé ce qui estoit à faire en ce rencontre ;
A arresté que ces mesmes Deputez retourneroient vers Monsieur
le Chancellier & Monsieur le Tellier, deputez dudit Sieur
Duc d’Orleans, & insisteroient par tous moyens, à ce que l’on se
contentast de la response qu’ils auoient portée, ou que l’on prist
vn de ces expediens : ont esté ensuitte leuës les articles dressez par
les Deputez commis à cét effect.
 
Apres la lecture est entré le sieur de Saintot dans l’assemblee,
qui a dit que Monsieur le Duc d’Orleans attendoit response auec
impatience, Monsieur le premier President a dit que l’on luy porteroit
promptement lesdits Deputez estans partis de l’assemblee
pour executer leur commission, a esté fait lecture d’vne lettre escrite
par le Preuost des Marchands de Paris, aux Escheuins deputez
pour la Conference, & en suitte d’vne autre escrite par Monsieur
le President de Bellievre à M. le premier President.
Apres la lecture desdites Lettres, a esté prie Monsieur de la Nauue
Conseiller en la Cour, de porter celle de Monsieur le President
de Bellievre à Messieurs les Presidens le Coigneux & Viole, pour
la faire voir à Monsieur le Duc d’Orleans, & la compagnie s’est
leuee.
Peu de temps apres, Monsieur le premier President a mandé
tous les Deputez, qui se sont rendus chez enuiron les dix heures
du soir, & là r assemblez à la reserue de Monsieur le President Nicolay,
qui estoit indisposé, Mr le P. le Coigneux a rapporte qu’il
auoit auec Mr Viole esté trouuer Mr le Chancellier & Monsieur
le Tellier, qui auoit insisté & representé tous les expediens proposez
pour accommoder le different qui s’estoit meu pour la proposition
de la cassation des assemblées & leur auoit dit que pourueu
que dans la Declaration où l’on deuoit faire mention de ladite
cessation, il y eust des termes significatifs des veritables motifs
que l’assemblée auoit eus pour se relâcher à ladite cessation,
qui estoient l’execution desdites Declarations des mois de May,
Iuillet & Octobre dernier, les termes leur estoient indifferens :
Mais que Monsieur le Chancellier leur ayant demandé si c’estoit
leur derniere resolution, & ayant esté trouuer Monsieur le Duc
d’Orleans il leur auoit dit que l’intention dudit Sieur Duc d’Orleans
estoit de ne rien changer, & qu’il ne vouloit pas que dans le
dispositif de ladite Declaration il fut fait mention de l’execution