[retour à un affichage normal]

Accueil > recherche > Affichage d'une occurrence en contexte

Mazarinade n° B_17_33

Image de la page

Anonyme [1652 [?]], QVATRIESME PARTIE DV POLITIQVE VNIVERSEL, OV BRIEVE ET ABSOLVE DECISION de toutes les Questions d’Estat les plus importantes. SCAVOIR EST, XVIII. Si les Tyrans du peuple & de l’Authorité Royale; auec leurs Partizans peuuent estre sauuez. XIX. Si les heritiers de ces sangsuës publiques peuuent estre sauuez, sans restituer les voleries que leurs predecesseurs leur ont laissées. XX. Si la restitution peut estre bonne, n’estant pas faire à ceux à qui la chose appartient. XXI. Si l’on doit souffrir des Partizans dans vn Estat. XXII. Si les trois Estats ont droit de se mesler des affaires du Prince. XXIII. Si les trois Estats ont droict de remedier aux desordres du Royaume. , françaisRéférence RIM : M0_2818. Cote locale : B_17_33.


volonté à laquelle toutes les autres volontez se
doiuent soumettre. C’est attaquer Dieu iusques
dans le thrône de son adorable Maiesté, & vouloir
mettre des bornes aux dispositions de sa prouidence
éternelle.
 
Voyez apres cela de grace si la restitution peut
estre bonne, n’estant pas faite à ceux à qui les
choses ont esté volées ; ou du moins à leurs propres
heritiers, quand ceux à qui elles appartenoient
ne sont plus au monde. Si nous ne pouuons
pas disposer mal à propos du propre fonds
que nous possedons, sans faire quelque espece
d’iniustice à ceux qui ont des legitimes pretentions
sur nos heritages, par quel droit pourrions
nous disposer d’vn bien ou nous n’auons quoy
que ce soit, & que nous possedons contre nostre
propre conscience. Si nous auons pris à Cesar il
faut restituer à Cesar, & si nous auons pris à Dieu,
il faut rendre à Dieu mesme. L’interest de l’vn
ne fut iamais l’interest de l’autre. Et quoy que
vous rendiez vn bien iniustement acquis à l’Eglise,
l’Eglise & vous ne laissez pas d’estre égalemẽt
obligez à le restituer, puis que ny vous ny l’Eglise
n’auez aucun droict sur le bien d’autruy, non
plus que cét autruy sur le sien & sur le vostre.
Il y a en cette action deux choses à considerer
s’il me semble, qui sont la possession & disposition.
Pour pouuoir équitablement disposer d’vne
chose, il faut que la chose soit absolument à celuy