[retour à un affichage normal]

Mazarinade n° E_1_19

Image de la page

Anonyme [1649], RECIT EXACT ET FIDEL DE CE QVI S’EST PASSÉ A LA CONFERENCE DE RVEL, Pour la Negotiation de la Paix. , françaisRéférence RIM : M0_2996. Cote locale : E_1_19.

d’Orleans qu’il trouuast bon que l’Assemblee luy rendist ses deuoirs,
& que deux d’icelle l’informeroient des raisons pour lesquelles la
Conference ne pouuoit estre faite auec ledit sieur Cardinal. Monsieur
le Duc d’Orleans repliqua, qu’il n’estoit point venu pour receuoir
des complimens ; qu’il estoit venu pour donner la paix à la
France, & que cela pouuoit estre fait en demy heure ; qu’il falloit que
le sieur Cardinal fust à la Conference. Les Deputez luy manderent
qu’ils n’y pouuoient consentir, qu’ils le prioient de trouuer bon
que deux de Messieurs luy fissent entendre les Motifs de l’Assemblée.
Monsieur le Tellier fut enuoyé de sa part pour aprendre ses Motifs, &
les demanda à Monsieur le premier President, qui luy dist en presence
de tous Messieurs, que l’Assemblée ne le pouuoit admettre à la
Conference, pource qu’il auoit esté declaré Perturbateur du repos
public, que c’estoit l’ennemy commun, & que c’estoit contre luy
que se faisoit la Conference. Ledit sieur le Tellier dist, que si l’Assemblée
entendoit que ledit sieur Cardinal ne fust point admis à la
Conference, qu’il auoit charge de mondit sieur de dire qu’il s’en retourneroit
à S. Germain, & que nous pouuions retourner à Paris ; &
repetant cela par trois fois, il se retira disant, que Monsieur alloit
monter en carrosse. Les Deputez resolurent aussi de s’en retourner à
Paris le lendemain, & de demander l’escorte pour cela ; chacun se
retira chez soy. Le lendemain Vendredy estans leuez, nous donnasmes
ordre de charger nostre bagage, & allâmes à la Messe, au
retour de laquelle nous nous assemblâmes tous chez Monsieur le premier
President, où fut proposé que Monsieur ne s’en estant point allé,
il y auoit apparence de croire que l’esperance de renouër la Conference
n’estoit perduë, & sur cela chacun mist des propositions en
auant, sur lesquelles comme on commençoit à deliberer vint le sieur
de la Roussiere à la porte de la Chambre pour parler à Monsieur le
President de Mesme, qui luy dist, que son Altesse Royalle desiroit
parler à Monsieur le premier President & à luy : En suitte dequoy fut
mis en deliberation s’il y deuoient aller, & fut arresté par l’Assemblée
qu’ils iroient pour entẽdre ce que sadite A. R. auoit à leur dire.
L’apresdinée l’Assemblée estant continuée chez Mr le premier Presidẽt,
il nous dist, que pour obuier à la difficulté que l’on faisoit d’admettre
le sieur Cardinal, l’on proposoit de donner deux Deputez de
la part de la Reine, & deux de la part de l’Assemblée, qui dans vne