[retour à un affichage normal]

Mazarinade n° B_8_42

Image de la page

Anonyme [1652], RECIT VERITABLE De ce qui s’est passé en la Place de Gréue. Mercrëdy deuxiesme Octobre dernier. ET AV PALAIS EN PRESENCE de son Altesse Royale & du Duc de Guyse, au sujet des Seditieux, le Ieudy 3. du mesme Mois, dont leur Capitaine nommé Tambourg a esté amené prisonnier au Palais. Ensemble la Liste des Noms de ceux qui se trouuerent en leur derniere Assemblée. , françaisRéférence RIM : M0_3013. Cote locale : B_8_42.

Il y en eut de si insolens & hardis que d’aller
au Palais d’Orleans & pres de la porte de l’Hostel
de Monsieur le Prince où ils prononçoient
le mesme mot de sedition, se fiant aux promesses
d’estre assistez en cas qu’ils fussent arrestez.
Ieudy dernier troisiesme Octobre sur les huict
heures du matin, Monsieur le Duc d’Orleans fut
au Palais accompagné du Duc de Guyse, & sur
les neuf heures pendant qu’ils estoient en la
grand’Chambre la Cour assemblée, on amena
vn plumet porte-sac nommé Tambour, qui
estoit le Capitaine de ces nouueaux leuez de la
Greve, qui s’estans rendus en nombre de trente
ou quarente au Palais prononçant le mesme
mot, qu’ils demandoient le Roy, la Paix sans les
Princes, ils furent incontinent enuironnez du
peuple. Leur Capitaine, dit Tambour, dit, qu’il
estoit bien aduoüé de parler ainsi. Cette insolente
Response le fit prendre & conduire en la
grand’Chambre, où estoit son Altesse Royale,
& ayant la Cour esté informée de l’intention de
telles gens, nomma Monsieur Musnier d’Artige
Conseiller de la grand’Chambre pour l’interroger.
Vn quart d’heure apres on en amena vn autre
auec vne camisole rouge, portant la mine d’vn
Marinier, qui fut conduit deuant Messieurs, &
enuoyé en la Conciergerie.