[retour à un affichage normal]

Accueil > recherche > Affichage d'une occurrence en contexte

Mazarinade n° B_17_21

Image de la page

Anonyme [1652 [?]], RESPONSE AV SEDITIEVX ESCRIT INTITVLÉ LE CARACTERE DV ROYALISTE A AGATHON. , françaisRéférence RIM : M0_3384. Cote locale : B_17_21.


de deux choses indiuisibles, & qui doiuent
estre en quelque espece de veneration parmy
les hommes. Et quoy que vous puissiez dire on
ne considere iamais tant le nom du Roy, à la
teste d’vn traité ou d’vne declaration, qu’on considere
la personne & la qualité toutes deux attachées
ensemble.
 
Ouy certes, Monsieur, la qualité de Roy est
tellement essentielle à la personne Royale, qu’il
est impossible que la chose qualifiée puisse estre
sans qualité, ny la qualité sans la chose qualifiée ;
c’est pourquoy le Soleil ne sçauroit estre
sans clarté, ny la clarté de ce Soleil sans l’astre
qui la possede. C’est pourquoy Dieu mesme
ne sçauroit estre sans sa bonté, ny sa bonté diuine
sans la personne où elle est attachée. C’est
pourquoy vostre esprit s’abuse bien plustost en
sçachant discerner le suppost d’auec l’attribut,
par vne speculation trop iniurieuse à la Maiesté
du Prince, que la populace & l’ignorant ne se
sçauroient abuser en leur veritable ignorance.
Et finalement, c’est pourquoy ceux qui se seruent
du nom, du pouuoir, de la qualité, & de la
personne du souuerain, pour establir vne tyrannie
vniuerse, dans toute l’estenduë de son Empire,
ne meritent pas moins que d’estre degradez
de leur dignité, & d’estre en suitte de cela
punis selon la grandeur de leur crime.
Pag. 6.
Hist. du
Pres. de
Thou.